Home Deporte Delegacion di Aruba lo ta presente na e torneo internacional di Dam...

Delegacion di Aruba lo ta presente na e torneo internacional di Dam ABC 2017 na Bonaire

30
0
SHARE
- Advertisement -

ORANJESTAD (AAN): E dianan 19 pa 21 di Mei benidero lo tuma luga na nos hermana isla di Bonaire, e torneo ABC Tournament 2017 den e deporte di dammen. E aña aki ta toca turno na e isla di Bonaire pa organiza e torneo di Dam ABC 2017. Mester bisa cu Aruba manera semper lo ta bon representa un bes na e torneo aki. E biaha aki e team di Aruba ta consisti di 5 participante mas un coach. Lo competi na e torneo cu 4 hungador adulto y un hungador hubenil, pues a agrega e biaha aki un hoben na e ekipo di Aruba. Mester bisa cu Aruba ta consisti di e hungadornan Aruba: 1. Juan Nisbet —  Henry Knepa Aruba: 2. Delbert Alexander  —  Rolin Croes, Hoben: Angel Luis Reinoso Suarez y Coach: Denis (Chester)  Berkel

For di diabierna caba lo inicia cu e prome ronda mientras cu diadomingo e ronda final lo tuma luga y lo clausura e torneo cu e entrega di premio. Den e torneo aki Aruba lo tin 2 ekipo, mientras cu Corsow y Bonaire tambe lo wordo representa pa dos ekipo. Den total Aruba lo hunga 4 wega tanto contra Corsow y Bonaire. Ta bon pa menciona cu desde aña 2005 e tres islanan ta organizando e ABC Tournament den dammen.

Un danki sigur na Lotto, e Loteria di Aruba pa medio di Comision di Subsidio cu a subsidia e viahe di e delegacion di dammen pa e ABC Tournament na Bonaire.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here