Home Tempo Departamento di Calamidad preparando pa 1 di Juni 2017

Departamento di Calamidad preparando pa 1 di Juni 2017

27
0
SHARE
- Advertisement -

Fecha oficial inicio temporada horcan:

ORANJESTAD (AAN) – Matutino DIARIO a entrevista señor Rino Hermans, director suplente di Oficina di Calamidad.

Teniendo na cuenta cu dia 1 di Juni e temporada di horcan ta cuminza oficialmente, a cuminza puntre tocante con ta bay concientiza e comunidad, mirando cu aña pasa no tur hende a sigui instruccionnan y Horcan Matthew a tuma nos pa sorpresa, awa a subi tera, varios cas a keda inunda, y a surgi un situacion dificil, entre otro pa hopi ciudadano cu no a prepara nan mes apesar di e yamadanan haci door di instancianan concerni.

Hermans a expresa cu enberdad Matthew a laga nos cu un enseñanza y nos mester para keto pa cambia nos manera di pensa.

El a subraya cu e comunidad di Aruba incluyendo e comunidad industrial no a sigui e mensahenan cu a wordo treci dilanti, pero a haci nan propio research pa locual nan ta den nan pleno derecho, pero na Aruba nos tin un instancia oficial cu ta saca datonan den cual stage nos ta, pasobra e ta traha hunto den e parti operacional y ta bisa kico nan ta bay haci pa e comunidad y cuanto menaza ta spera nos Isla, pa asina e departamento operacional cuminza prepara.

Sr. Hermans a expresa cu nos problema, akin a Aruba ta, cu nos hendenan ta sinta man cruza bisa cu Brandweer, polis, ambulance ta bin yuda nos.

“Den nos bida diario nos por, pasobra nos tin suficiente capacidad pa handle tur incidente diario. Pero den un menaza manera Matthew, nos tabata tin falta di personal na brandweer y ambulance. Kiermen, abo como ciudadano y abo como compania tin cu yuda bo mes, si no e ta bira un disaster”, sr. Hermans a subraya.

El a agrega cu si e persona sa cu su lugar ta bay bao di awa, prepara su mes pa minimiza e dañonan mas tanto posible.

El a señala cu e sector hotelero ta keda un sector vulnerable, y instancianan concerni no tin bista riba tur nan plannan. Tur aña tin cu duna nan un splicacion kico nan tin cu haci, pero e parti crucial ta “no depende solamente di departamentonan di gobierno cu un yamada di telefon na 9-1-1 y kere cu brandweer ta bin chupa e awanan na bo cas. Kiermen, yuda bo mes y departamentonan di gobierno ta yuda Aruba en general. Esey ta e situacion!”, señor Herman a remarca.

Departamento di Calamidad a haya lesnan for di Meteo, despues di esey dia 20 di November a haya otro instruccion, y a base di esey hunto cu e instancianan concerni nan a revisa e plannan, y nan ta trahando riba nan. Despues di esey, nan a test cu Caribbean Wave loke ta wordo adapta, si esey ta funciona, preparando pa dia 1 di Juni 2017.

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here