Departamento di Labor cu cambio di maneho pa trahadornan stranhero

    103
    0
    SHARE
    - Advertisement -

    ORANJESTAD (AAN): Ora cu ta haci un peticion pa un hende di exterior bin traha, awor aki companianan ta mara na tres aña. E prome tres permisonan nan lo mester pasa un procedura na DPL, unda nan ta pone nan vacatura. E vacatura ta pasa un proceso unda ta busca pa wak si tin un local disponibel pa e trabao y esaki ta pa e prome tres permisonan, segun Judelca Briceña, kende ta social economisch beleid medewerker na Departamento di labor.

    E ta sigui splica cu e prome ta bira eerste aanvraag, e di dos y di tres. Despues ta bin verlenging. Si a caso no haya un persona local pa e funcion, e ora ta cuminsa cu un toelatingsprocedure, cual ta e parti caminda cu ta bay cuminsa cu e procedura pa duna aprobacion den caso cu no a haya un local pa e trabao pa e persona aki, of sea si a haya un local pa e trabao aki, lo pasa un proceso caminda cu DPL ta duna su conseho positivo, of negativo.

    Esey ta worde manda pa Dimas y Dimas tambe, a base di otro criteria, tambe ta haci su toetsing y e conseho definitivo ta sali si e persona ta haya, sea su prome permiso pa traha, of sea e ta haya un prolongacion di permiso.

    Loke ta bay cambia riba e maneho aki, pa tur compania cu ta pone un persona disponibel na un otro compania, e maneho ta bay cambia cu e no ta bay ta mara mas na e prome tres permisonan, siendo e ta bay bira tur permiso. Di prome te na e ultimo, den caso cu mester di cambio di firma, esta cambio di dunado di trabao, pero tambe mester prolongacion, naturalmente eerste aanvraag ta keda. Tur eseynan mester pasa e procedura na DPL, caminda cu ta bay tin un control pa wak si berdad ta bay tin un local pa bay haci e trabao y si tur documento ta worde entrega y loke ta worde ofreci na e persona di afo, si e ta cuadra cu loke ley ta prescribi.

    E importante ta cu mester duna den caso cu ta busca un hende di afo, e persona no por traha a base di un uitzendovereenkomst, sino un arbeidsovereenkomst.

    - Advertisement -

    DUNA COMENTARIO

    Please enter your comment!
    Please enter your name here