Home Turismo Di e forma aki ta reconociendo embahadornan di Aruba

Di e forma aki ta reconociendo embahadornan di Aruba

36
0
SHARE
- Advertisement -

ORANJESTAD (AAN):  Durante luna di mei e programa di certificacion ‘Aruba Certification Program’ (ACP),  patronisa door di Aruba Tourism Authority (A.T.A.), a lansa su campaña di reconocimento dunando atencion na cinco organizacion cu a participa den e programa aki. E organizacionnan di e manera aki a mustra nan compromiso cu Aruba.

Tambe e curso a percura pa empleadonan por duna informacion esencial, corecto y concreto di nos Isla . E organizacionnan cu a ricibi e reconocimento ta Aruba Beach Club Resorts (cu por cierto ta e prome hotel pa worde reconoci), Aruba Happy Rentals, Fundacion Parke Nacional Arikok (FPNA), Avis Car Rental y Welcome Marketing.

Cada un a haci nan maximo esfuerso pa tur nan empleadonan por a sigui e curso di ACP.  Dicho curso ta percura pa  mantene un nivel halto di servicio y conocemento esencial di nos isla. Di e forma aki tanto nos bishitantenan como local ta worde enrikesi cu informacion danki na un curso valioso manera e Aruba Certification Program.

E team di ACP ta sumamente honra  di por a otorga e premio di ‘100% certified’ y ta contento di por informa cu ya tin varios otro organizacion cu ta candidato pa por worde reconoci.  Pa esnan cu no ta familiar cu e programa di certificacion of cu lo kier sa mas por bishita e website di ACP, www.acp.aw.

- Advertisement -

DUNA COMENTARIO

Please enter your comment!
Please enter your name here