Home General DIMAS a haci pre evaluacion di sesion informativo proyecto “Dreamers”

DIMAS a haci pre evaluacion di sesion informativo proyecto “Dreamers”

88
0
SHARE
- Advertisement -

ORANJESTAD    (AAN): Manera ta conoci na DIMAS tabata un situacion fastioso diabierna riba e prome anochi cu e sesion di informacion encuanto e proyecto “Dreamers” a tuma luga.

Durante entrevista cu directora di DIMAS, Kathy Paskel, el a splica con e siman a habri y tambe e pre evaluacion cu ya caba a wordo haci. El a splica cu durante e prome sesionnan cu a bay den dos tanda, a logra informa 250 persona mas of menos.

A haya 107 formulario yena cu hendenan cu kier aplica pa un cita pa bin na remarca pa e permiso Dreamers. A wak tambe cu no tur hende a yena e formulario corecto of full, pero lo wak con ta atende cu esey. A sinta despues un rato e anochi ey mes, pa wak kico a bay bon, kico a bay menos bon y den curso di dia lo sinta cu stakeholders pa asina determina con e siguiente sesionnan lo sigui.

En todo caso tin un sesion mas oficialmente planea, cual ta diabierna awo y lo evalua si lo bin mas sesion y na unda.

 

Situacion

Tin un pre evaluacion caba. E luga mes a carga mas of menos 200 pa 225 hende pa cada sesion. Por bisa tambe cu e grupo cu a acudi for di tempran, tabata un trankilo. Tabata tin hopi hende berdad y tin cu no ta fit e proyecto y a bin toch y a tende cu e informacion no ta pa nan destina. E grupo por lo general a comporta nan mes netjes. Locual cu a mira si, cu na cierto momento a surgi dilanti di e porta un pushamento cu a haci cu polis tambe mester a conseha pa mantene orden publico. E ora a duna conseho pa no sigui cu e di tres sesion, cual tabata uno extra cu a planea.

E localidad na Dimas, no lo uza mas pa diabierna cu ta bin. Den curso di siman lo anuncia cua e lo bira. A check algun caba. Tin di nan ta disponibel, tin no ta disponibel. Awor aki e siman aki ta pa determina cua e lo bira, Paskel a splica.

 

Sesion di informacion

Durante entrevista cu mr Kathy Paskel a splica y comenta un tiki riba e necesidad pa un sesion di informacion. E directora di DIMAS a splica cu e anochi ta pa complementa e informacion. Tur cos  ta online caba pa aplicacion.

Locual cu a haci, ta duna via media, kico ta e cuadro. Si bo sa kico ta e scope y bo tabata sa cu bo ta fit den dje y ta aplica pa e cita. Tin tur formulario online, e checklist y aplicacion pa cita.

No ta necesario eigenlijk pa bin na e sesion di informacion pa bin na remarca pa aplica pa e permiso Dreamers. Nan por manda e formulario di citacion via email y lo atende cu esey tambe. Loke lo bay haci e siman aki, mirando tur e preguntanan cu a haya ta traha un lista di tur e preguntanan cu a wordo mas haci y publica esaki tambe pa tur hende por lesa esaki y cada biaha ta haya preguntanan cu ta ripiti, cu e speransa cu nan ta fit toch e scope. E ora ta pone riba website tambe y publica den medionan di publicacion.

 

Grupo su status

Den e grupo cu a drenta paden, algun di nan tabata tin firma liber. Ta e falta of mes informacion cu a cana pafo, cu nan a tende cu tin un anochi di informacion na Dimas y nan a bin. Tin di nan a bin bao di e creencia cu ta eynan ta busca paspoort.

Dimas ta atende cu permiso. E parti di paspoort ta algo separa cu tin su reglanan separa. E un no ta duna derecho riba e otro. Segun Paskel, banda di informacion di Dimas a circula diferente informacion kisas no corecto of incompleto cu a haci cu hendenan cu a tende algo, a bin toch Dimas pa busca informacion.

Tabata tin den sala di nacionalidad Hulandes, tin algun cu firma liber. Algun ta menos cu 10 aña y tambe tabata sinta den sala.

Total 107 a aplica, bisando cu si tin mas di 10 aña na Aruba. Nan si tin mas cu cinco aña como menor na Aruba. Kiermen cu nan a ingresa Aruba prome cu nan tabata tin 13 aña y prome cu Mei 2007. Ta dos criterianan basico.

Awor aki ta bay invita un dia pa nan bin entrega nan aplicacion. Tur otro hende cu no a acudi na e anochi di informacion  a haya e informacion riba media caba y sa cu nan ta cumpli, por aplica via email, lo wordo invita pa entrega e formulario pa e permiso Dreamers.

 

- Advertisement -

DUNA COMENTARIO

Please enter your comment!
Please enter your name here