Home Economia Directora di Camara di Comercio, Sonja Veldhuizen: Mester di un ley...

Directora di Camara di Comercio, Sonja Veldhuizen: Mester di un ley pa E-Commerce

48
0
SHARE
- Advertisement -

ORANJESTAD (AAN):— Camara di Comercio a reuni cu comerciantenan pa trata e idea di promove comercio. E reunion a bay hopi fructifero y conservativo pasobra a tene discusion y a delibera tocante redtape tambe, pasobra e ta dura hopi pa habri un cuenta comercial cerca banconan. Directora di Camara di Comercio, sra. Sonja Veldhuizen a indica cu comerciantenan ta bisando cu Camara di Comercio hopi biaha cu esey ta echt un problema pa habri un cuenta comercial.

Na diferente ocacion Camara di Comercio a discuti esey cu e banconan y Banco Central. Hunto cu un comision nan kier yega na un solucion y pa percura cu habrimento pa un cuenta comercial lo bay hopi mas lihe. Banconan ta habri pa cu esey y kier yuda comerciantenan unda cu nan por. Siman pasa Europese Unie ta ocupa cu Profesorul Modern cu ta un proyecto di cosme y Profesorul Modern ta un specialista di Hulanda riba e tereno di E-Commerce.

El a duna tipnan durante un anochi di informacion na comerciantenan di kico nan por haci pa cambia nan strategia of vision strategico di benta normal den benta via E-Commerce. “El a duna bon tips y comerciantenan a bisa mi cu nan kier haya detayenan di su rapport, pasobra no tin regla, no tin ley na Aruba,” Sonja Veldhuizen a indica. Eigenlijk mester di un ley pa E-Commerce.

Loke por encera den e ley ta e benta online manera pa paga impuesto si nan ta bende online. Ta importante pa nan tin un permiso si ta necesario. Aworaki hende ta bende cos online, productonan online y servicio, pero no ta paga nada. Eigenlijk gobierno a perde hopi entrada y Profesorul Modern ta bezig cu su rapport y mester warda kico su conseho lo bira.

E ta futuro y tur mester join esey, pasobra segun Camara di Comercio na final e comerciante lo mester cera su compania, su tienda. E-Commerce ta e futuro y segun Camara di Comercio tur hende mester accepta esey. Camara di Comercio lo yuda unda nan por, informa, educa y yuda e comerciantenan pe bentahanan di online shopping.

- Advertisement -

DUNA COMENTARIO

Please enter your comment!
Please enter your name here