Home Noticia Internacional Dos explosion a mata 19 persona durante concierto di Ariana Grande na...

Dos explosion a mata 19 persona durante concierto di Ariana Grande na Manchester

169
0
SHARE
- Advertisement -

MANCHESTER: Polis di Manchester a confirma cu tin por lo menos 19 morto y 55 herido despues di scucha dos explosion grandi, cu causa ainda no ta conoci, den stadion Manchester Arena, situa den noord di Inglatera, durante un concierto di cantante, Ariana Grande.

Segun informacion di autoridadnan di Manchester, polis a evacua e zona mientras nan ta investiga e causa di explosionnan, cu a wordo adverti pa publico cu a asisti e concierto.

Algun persona cu tabata den concierto a post den varios red social, videonan na unda por wak hende ta core y grita, den momentonan cu e evento tabata yegando su final.

“Servicionan di emergencia a responde na raportnan di un explosion na Manchester Arena. Tin morto y heridonan confirma”, polis di Manchester a confirma.

Servicionan di trein a wordo suspendi den estacion Victoria na Manchester, cu ta cerca di e stadion, y tur linea a wordo cancela despues di e suceso.

Manchester Arena, e stadion mas grandi di Europa, na unda e hecho a tuma lugar, tin capacidad pa 21.000 persona, segun website. E lugar ta un sede popular di eventonan deportivo y musical.

Un vocero di Ariana Grande a bisa cu e artista “ta bon”. Un video publica riba Twitter a mustra publico gritando mientras nan a core bandona e lugar.

Gran Bretaña ta den nivel di alerta “severo”, e di dos mas halto, loke ta nifica cu un atake di militante ta considera hopi probable.

Potret: CNBC

- Advertisement -

DUNA COMENTARIO

Please enter your comment!
Please enter your name here