Home General E 4 sindicatonan cu ta representa trahadornan na aeropuerto a haya oido...

E 4 sindicatonan cu ta representa trahadornan na aeropuerto a haya oido di gobierno

141
0
SHARE
- Advertisement -

ORANJESTAD(AAN): Despues cu pa algun dia caba a nota un preocupacion cerca empleadonan na aeropuerto, den e caso aki Douane, cu a wordo sosteni tambe pa miembronan di imigracion y den cual den tur e gruponan aki, un total di 4 sindicato a sali cu e diferente miembronan cu nan ta sostene entre e dos departamentonan aki, a logra haya oido pa Gobierno. Den e caso aki SADA, TOPA, STA y SEPPA. Gobierno a tende nan y a yega na un solucion mesora tambe pa e problema cu tabata reina.

Minister Arthur Dowers a splica con nan a yega na mesa, kendenan di e coleganan di dje tabata tey y kico tabata e resultado.

Ta asina cu nan a wordo acerca door di diferente sindicato, pa loke ta trata e situacion di parkeer na aeropuerto. A wordo treci padilanti riba un incidente pa loke ta siguridad. Loke a resalta ta cu e trahadornan kier a haya e caminda cu nan a parkeer bek. Aeropuerto a bisa cu mesora a bisa cu nan ta dispuesto pa pone e luganan aki na disposicion di Gobierno pasobra Gobierno ta esunnan cu ta paga pa e luganan di parkeer y e director a bisa di ta dispuesto pa pone esaki na disposicion di Gobierno bek.

A yega na palabracion cu e cantidad di luga di parkeer cu tabata tin ta entrege bek y cu lo haya e parkeo paden. Tin cu bisa cu a splica e sindicato tambe. Pa awor aki e autorisacion lo e trahadornan tin pa para paden. Realidad no tabata un problema grandi. Loke ta lamenta ta cu tabata tin hende cu a para pafo, pasobra no tabata tin necesidad di esey. No cu imigracion pasobra nan no tabata meti den ningun incidente.

Aeropuerto a duna for di cuminsamento caba na minister Dowers, cu no tin ningun problema y cu lo coopera pa asina nan haya luga di parkeer.

Cubri parti di parkinglot

Husticia ta cubri pa trahadornan di husticia. E trahadornan di e ministerio di husticia, ta hay nan di luga di parkeer cubri pa ministerio di husticia. Ta di supone cu e ta mesun cos pa ministerio di finanzas, pa loke ta trata e trahadornan di finanzas.

Tarifa ta cambia?

A palabra cu ta entrega e cantidadnan cu tin awo y lo haya un cantidad menos grandi, pero na final e ta keda mesun cos. E suma ta keda mesun cos y e parkeo ta bin disponibel awor aki. Na momento cu bo ta traha, esta tur trahado cu kier haci uzo di e luga aki na momento cu nan ta trahando, por haci uzo di dje.

Intento di atraco

Minister Dowers a splica cu a pidi departamento di atraco y a duna indicacion cu no tabata tin un atraco cu a tuma luga. No tin un bista hopi cla, como kiera cu e denuncia no a wordo duna na recherche tampoco. Si a haci un melding na grenspolitie. E departamento di recherche ta buscando tur dato pa por determina kico exactamente a tuma luga. E trahado no a wordo atraca. Sa cu tin cierto figuranan cu ta move diferente caminda riba pais Aruba cu por spanta hende y hasta sa cu tin algun hende cu ta dirigi nan mes riba propiedad di otro hende.

Esey no ta algo straño cu un hende lo por purba di horta algo riba e parkinglot aki. A papia cu aeropuerto encuanto siguridad general rond di aeropuerto. Toch e ta un institucion importante riba nos pais. Aeropuerto ta mustra di ta tuma esaki hopi na serio. Loke ta compronde ta cu cierto momento luznan ta wordo paga, pero ta atende cu esaki tambe. Maximalmente siguridad ta wordo garantisa rond di aeropuerto tambe, como cu e ta un di nos instancianan vital di pais Aruba.

 

 

- Advertisement -

DUNA COMENTARIO

Please enter your comment!
Please enter your name here