Ernst Mohamed president KvK:
ORANJESTAD(AAN): Camara di Comercio tabata tin un reunion cu Banco Central y Asociacion di Banconan. Ernst Mohamed, presidente di Camara di Comercio, e reunion aki a tuma luga pasobra e plan di strategia di KvK, tin e expansion di e negoshi, entrepeneurs y tambe e-commerce. E-commerce y online shopping, cual ta un fenomeno cu no por evita mas. E ta akinan y e tey pa keda.
Por lo tanto, den investigacion con online shopping ta bay, con e comerciantenan por bira un tiki mas, expande nan negoshi tiki mas miho, e tema di online shopping y e-commerce y online payment a surgi. Con cu nan no por a bin kico precies ta preveni e clientenan di haci online shopping, of por bira online merchants, a dicidi di sinta cu Centrale Bank y cu Asociacion di Banconan, pa bay un tiki mas diep den e topico aki.
Tin cu bisa cu e reunion a bay bon. Tabata tin hopi debate y discusion, pasobra ta para bringa pa e entrepeneurnan pa bay mas facil y banconan tin cu a wak e parti di riesgo. Mohamed a splica cu eynan tin un impasse unda cu lo organisa un comision cu ta bay pa comerciante, bankero y hendenan di Banco Central, cu lo sinta den e comision ey pa por ataca e fenomeno aki, pa mira con nos comerciantenan local por bira online merchants, pa nan tambe por haci negoshi online y via nan propio website.
Con ta midi
Por mira hopi negoshi of hopi comerciante ta acerca Camara di Comercio y ta wak’e tambe online y otro estadisticanan cu ta haya cu e online shopping a bay ariba y e shopping tradicional, manera cu nos conoce, ta bahando hopi. Tin hopi comerciante cu awor aki ta sinti manera boutiques, cu diferente libreria y luganan di ascesorio cu por haya hopi facil y hopi mas economico riba internet. Ta haya cu cierto partinan ey di nos economia ta wordo haci online. Tambe por haya cierto cifra di banconan cu ta bisa di e fenomeno di online shopping, ta na un biyon florin na Aruba, creciendo exponencial. E ta creciendo masha hopi mes.
Papiando cu hubentud, ta wak cu den e generacion cu ta biniendo awor aki, por mira cu eynan tambe tin e fenomeno cu ta un one click shopping. Shopping via smartphone y ta cosnan cu ta mustra unda nos ta bayendo y comerciantenan mester adapta riba esey. Tur comerciante cu ta un tiki avansa, tin un website y awor aki cu e banconan, locual cu ta bezig ta wak pa investiga, ta con por haya cu e online shopping pa e comerciante, por bira un online merchant. Esey ta e punto awor aki cu e banconan cu ta sinta hunto, pa wak con por ofrece. Tin cierto banconan cu ta ofrece parcialmente caba, pero e deseo naturalmente di tur hende ta, manera esun na Merca, ta uza e swipe di e debit card, cual na Aruba tambe ta bira un fenomeno por lo pronto, por uza e debit card, cu ta gelinked na e current account. Pero atrobe ta trece cun’e e control di Banco Central y MOT. Eynan tambe Camara di Comercio ta conciente di dje, pa no bay den transaccionnan dudoso. Esey semper por pasa. Pa por evita hacking y si no wak bon, e ora por perde bo status cu e banco corespondiente. E ora no por haci nada mas online y tampoco ningun transaccion y no kier bay den esey. Locual cu si ta conciente di dje y e banconan tambe, cu e fenomeno aki ta akinan, cual ta e-commerce, online shopping y pa e hendenan local tin e tool pa bira un online merchant.
