Home General E grua bieu lo wordo desmantela y bendi como hero bieu

E grua bieu lo wordo desmantela y bendi como hero bieu

33
0
SHARE
- Advertisement -

ORANJESTAD (AAN) – Matutino DIARIO a entrevista Ing. Jossy Figaroa, director di Aruba Port Authority (APA), relaciona cu e grua cu te ainda no a logra bende, y e plan cu tin awor pe.

Ing. Figaroa a menciona cu despues cu e waf di cargo a muda pa Barcadera, APA a keda cu e grua cu ta obsoleto.

Figaroa a duna di conoce cu APA a purba bende, pero como cu e tin 35 aña bieu, no bal la pena. Pesey mes no a transporte pa Barcadera.

APA a bin cu un destaho publico pa wak si ta haya interesadonan, pero ta un so a inscribi y a logra un conceso cu e grupo na cual mester paga un suma. Si tur cos bay bon, segun planning, diabierna awor e lo bin abao.

E grupo ta di Hulanda y den e siman aki e ta bay prepara tur cos pa tumba e grua na un manera safe. Esaki pasobra e ta un aparato hopi alto, y e por bay malo. Pesey a busca expertonan pa hacie. Den pasado tabata tin diferente idea, por ehemplo cu kizas por mantene of manera tin na Hulanda cu a pone camara den dje, pero e ta costa hopi placa pa mantene y semper ta core e riesgo cu algo por bin abao.

Ni sikiera si esun cu ta bay tume APA no kier pa core riesgo cu por caba cu turismo crusero si algo cay riba e barco. E compania cu ta bin haci e trabao ta bay bende e material cu e grua tin. Esey a pone cu e prijs a keda razonable. Na cuminzamento e prijs tabata demasiado halto pa APA.

E compania a bay di acuerdo pa trahadornan local mes haci e trabao cual e expertonan ta bay guia. Un bez desmantela e ta bay wordo bendi como hero bieu.

- Advertisement -

DUNA COMENTARIO

Please enter your comment!
Please enter your name here