Home Salud E grupo di enfermeria no por carga e peso cu e ta...

E grupo di enfermeria no por carga e peso cu e ta pretende di carga aworaki

51
0
SHARE
- Advertisement -

Ezzard Cilié: pesey un elogio grandi ta bay pa esnan cu ta traha den enfermeria

ORANJESTAD(AAN): Durante un conferencia di prensa Dialuna relaciona cu e ceremonia di apertura di e Siman di Enfermeria, Director Medico di Horacio Oduber Hospitaal Ezzard Cilié a trece dilanti cu e grupo di enfermeria y esnan cu ta directamente involucra den e cuido directo di e pacient, ta pasando den retonan basta pisa e aña aki.

“Por lo pronto mi no ta wak esaki cambia y mi kier a yama danki na tur esnan cu ta yudando actualmente y ta hasiendo lo ultimo cu cerca nan ta posibel, pa tene e pashent tambe na prome lugar”.

“E no ta un secreto mas cu nos no tin suficiente man pa por capta e paso di locual nos ta purba hasi aworaki den enfermeria”.

“Aworaki nos tin cu paga bon tino, si locual nos ta hasiendo ainda ta responsabel si of no”.

“Esey no ta facil pa contesta, pero tin hende cu por yuda nos trece un solucion”.

“Nos no por sigui den e rumbo cual nos ta bayendo, pasobra e grupo di enfermeria no por carga e peso cu e ta pretende di carga aworaki”, segun Cilié.

E director medico a sigui bisa cu el a lesa esaki tambe corant y ta contento cu mas hende ta realiza esaki.

“Mi kier gradici bosonan den enfermeria pa boso aporte, perseverancia y esfuerzo”.

“Si mi wak anochi nos ta neem op 15 pashent siendo cu nos por a tuma solamente 5, mi no sa di unda bosonan ta saca e esfuerzo, e forza y creatividad, pa boso acapara e 15 pashentnan ey cu mester di nos y pesey ki ta yama bosonan danki”, segun Director Medico di Hospital.

 

 

- Advertisement -

DUNA COMENTARIO

Please enter your comment!
Please enter your name here