Home Politica Encuentro di boluntarionan di AVP lo ta Diahuebs

Encuentro di boluntarionan di AVP lo ta Diahuebs

45
0
SHARE
- Advertisement -

ORANJESTAD (AAN): Partido AVP semper tabata y ta un partido innovativo. Despues di e terminonan den gobierno, e partido no ta simplemente traha un plan di campaña for di nada.

E partido a organiza un evento, yama 1000voz, caminda hunto cu mil ciudadano, di diferente edad y procedente di diferente parti di Aruba, a comparti nan inkietud, sugerencia y vision.

Tur e ideanan presenta, discuti y proponi ta forma e base pa un programa amplio y cu ta conta cu e ‘input’ di pueblo. Esaki ta loke Rene ‘Baba’ Herde di AVP a trece dilanti den un conferencia di prensa diamars mainta.

Den cuadro di esey ta tuma luga e evento di diahuebs awo na Renaissance Convention Center, for di 6’or di atardi pa 10’or di anochi. E evento aki, ta pa personanan cu den nan mesun tempo, cu nan mesun esfuerso y den forma boluntario ta bay yuda AVP gana e siguiente eleccion. Pa medio di esaki Partido di Pueblo Arubano (AVP) ta invita tur su boluntarionan, di tur bario di Aruba, pa bini hunto diahuebs awo na Renaissance Convention Center.

Riba e anochi aki, liderazgo di AVP, su fundacionnan cientifico y e boluntarionan lo discuti con lo bay hiba e mensahe di e bon trabao cu a worde haci, kico falta ainda y con ta bay ehecuta esaki den e añanan venidero. P’esey e participacion di boluntarionan riba e anochi aki ta un aspecto hopi importante pa e partido berde.

 

- Advertisement -

DUNA COMENTARIO

Please enter your comment!
Please enter your name here