Home Comentario Enemistad pa motibo di color politico? Estupidez di marca mayor

Enemistad pa motibo di color politico? Estupidez di marca mayor

70
0
SHARE
- Advertisement -

Comentario:

Pa Mercedes Monge

Libertad ta un derecho cu nos tur tin, tanten nos no mal use y afecta malamente otro hendenan.

No obstante por ripara cu den nos comunidad, no tur hende ta respeta e derecho di opinion y scogencia di otronan, hasta den famia.

Si no ta pa religion ta pa diferencia di color politico, pa menciona dos factor cu ta trece intolerancia di un pa otro persona.

Un comentario cu a yega na nos redaccion ta di un hoben cu a dicidi di drenta den un di e dos partidonan grandi, den su mes famia el a topa cu problemanan grandi, incluso e ta wordo menaza, segun e version.

E ta un ciudadano mayor di edad, y pa colmo parti di e sosten financiero den su hogar. Semper e tabata bon pa e famia pero awor diripiente, pasobra el a bay pa un color politico diferente e ta wordo mira como enemigo den su propio entorno familiar.

Di con asina? Di con bay te e extremo ey si den e gremio politico mes maske cuanto nan por papia malo di otro via radio, corant, conferencianan di prensa, meeting cu publico, etc., ora e candidatonan politico ta topa otro den un fiesta nan ta sinta come hunto, haci chanza, hari, y tur loke ta politica ta keda un banda.

Mi ta corda varios aña pasa cu mi tabata bayendo Cali, un grupo di Parlamentarionan tabata viahando den e mesun vuelo bayendo otro pais pa un reunion di Parlatino.

Na prome mi a mira nan sinta na mesa ta come y bebe manera ruman. Y mi ta papiando di hendenan di AVP y MEP. Mi ta corda cla cla cla. Despues ora nos a bay e sala pa aborda, nan tur a sinta hunto y mescos “grandes amigos” shonnan. E ora mi a acerca un di nan y hacie e comentario “Ja ja, mi tin cu hari di mira cu den pueblo hende ta fulmina otro pa color politico, pero boso ta bon brother, pafo di e esfera politico. Nan a duna mi tur razon y un a bisa mi “well señora asina cos den politica ta”!

Wow! Y mi ta bin tende specialmente den tempo di campaña cu for di e mesun pueblo ta surgi rabiamento, insulto denigrante y den e caso cu mi a menciona problema den famia, pa diferencia di opinion politico y color di partido. Yammer! Lo no ta mihor imita e politiconan anto? Den nan seno politico nan ta mustra un cara, pero pafo di dje nan ta shake man cu otro y ta keda bon ruman cu otro, mientras simpatizante y/of votadornan kier come otro pero na serio! Mi ta yama esaki, cu e pordon di tur cu por lesa e comentario aki: “estupidez di marca mayor”!

 

 

- Advertisement -

DUNA COMENTARIO

Please enter your comment!
Please enter your name here