Home Politica Finca Pachama a mira un demanda pa su productonan y cu tarifa...

Finca Pachama a mira un demanda pa su productonan y cu tarifa special ta sigui duna producto di calidad

56
0
SHARE
- Advertisement -

ORANJESTAD (AAN): Agricultor Willman Aristizabal ta hopi contento cu e anuncio haci e siman cu a pasa di un tarifa special pa cunukeronan. Esaki ta haci, el a bisa, cu e produccion di productonan localmente produci ta bira hopi mas atractivo.

Algun tempo atras Prome Minister Mike Eman a bishita diferente cunukero pa scucha cual ta nan preocupacionnan den nan trabao pa produci productonan pa e pueblo di Aruba.  Den tur e combersacionnan e tarifa di awa a resulta di ta un desventaha pa produccion localmnte. Basa riba esaki, a keda anuncia siman pasa cu ta bay introduci un tarifa special di awa pa agricultornan. “Esaki ta algo hopi positivo,” Willman Aristizabal di e Finca Pachamama a bisa.

Na e Finca Pachamama, mirando e calidad di nan productonan, por haci uzo di solamente awa di yobida of awa di crachi. Den e ultimo yobida grandi, a recoge basta awa cu a yuda nan te cu luna di april. “El a cumpli cu nos expectativanan y awo nos ta uzando awa di cranchi. Esaki ta nos unico dos posibilidadnan pasobra e awa di dam ta mucho salo y e no ta bon pa nos plantacion,” el a bisa. Pesey cu  e noticia cu el a ricibi siman pasa, di un tarifa di awa special pa cunukeronan, a yega na bon momento. “Mi ta wardando cu hopi alegria e momento ey, pasobra awo e awa ta hopi costoso pa nos. E tarifa special lo yuda nos bende nos productonan, ya cu nos ta compitiendo cu Merca, Colombia y Mexico. E unico forma cu nos por competi ta ofreciendo un producto di calidad. Pa logra e bon calidad, nos mester uza awa limpi. Awo nos por hala rosea cu e ayudo nobo aki di Gobierno”.

Willman ta hopi contento pasobra despues di e bishita di Prome Minister Eman, el a haya hopi publicidad y esaki a haci cu su Finca a bira conoci cerca hopi mas hende y negoshi. “Despues di e bishita di Prome Minister Eman nos a haya hopi publicidad y esaki a haci cu nos bentanan a multiplica. Esaki ta algo cu nos ta hopi contento cune,” Aristizabal a expresa.

Den combersacion cu Prome Minister Eman a papia di un peticion pa un tereno mas grandi cu a worde haci pa aumenta nan produccion. Mientrastanto nan a haya e tereno aki, pero ya caba a cuminsa na diversifica e tipo di productonan cu nan ta ofrece. “Mi kier gradici Gobierno y Mike Eman. Nos ta gradici tambe e apoyo incondicional di Santa Rosa cu ta brindando nos tur sosten necesario. Santa Rosa ta dunando nos hopi bon prijs pa e nutrientenan cu nos mester pa nos matanan.”

- Advertisement -

DUNA COMENTARIO

Please enter your comment!
Please enter your name here