Home Salud Francis Odor nombra como Empleado di Luna na Hospital

Francis Odor nombra como Empleado di Luna na Hospital

24
0
SHARE
????????????????????????????????????
- Advertisement -

ORANJESTAD (AAN): E luna aki a eligi Francis Odor, enfermero na ICU esta “Intensive Care Unit” como empleado di luna. Durante Siman di Enfermeria director di cuido na Dr. Horacio E. Oduber Hospitaal, sr. Ezzard Cilié tabatin e honor di otorg’e su certificado.

“Nos ta hopi contento, pasobra Francis Odor ta un nurse cu ta traha masha duro. E ta motiva tur su coleganan, e ta yuda, y e ta duna les ”, asina Zorgmanager di ICU, sr. Gino Paskel a remarca. Francis Odor ta forma parti di e comision di CPR di Hospital y e ta hopi activo den e grupo BHV (bedrijfshulpverlener) di Hospital. Riba e piso mes tur hende ta hay’e amabel, un bon colega y e ta haci su trabao hopi bon y profesional. E ta trece trankilidad den momentonan di crisis y p’esey e ta un colega masha aprecia.

Francis ta den servicio di Hospital desde augustus 2002, pues lo celebra su 15 aña di aniversario e aña aki. el a desaroya su mes di enfermero general pa un enfermero specialisa den ICU. Un enfermero cu ta confiabel, digno y bon prepara. Francis tin un pasion grandi pa su trabao y hasta ta comparti su conocemento door di duna les den BLS (Basic Life Support) y ACLS (Advanced Cardiac Life Support).

Francis Odor no tabata sa cu el a sali e empleado di luna y esaki tabata un sorpresa pe. “E tabata un sorpresa y mi no a sper’e. Net nan a pidi mi pa bay duna les y na mi yegada mi a mira batayon di hende hunto bisando cu mi ta empleado di luna”, Francis Odor a remarca. E ta haya esaki algo great y e ta honra pa ta e empleado di luna.

“Mi ta kere cu awendia tin posibilidad di sigui studia na Aruba mes pa loke ta medicina. E posibilidad ta amplio”, Francis Odor a remarca. “Prome cu dicidi di bay studia afo, ta bon pa mira e posibilidad pa studia aki na Aruba unda cu tin un bon hospital, ekipa cu hopi material y ekiponan moderno”.

Francis a demostra di tin un pasion grandi pa su trabao y a ricibi e reconocimento aki bon mereci, masha pabien!

 

- Advertisement -

DUNA COMENTARIO

Please enter your comment!
Please enter your name here