Home General Grua di Waf na Playa lo wordo basha pa Diasabra 3:00 pm

Grua di Waf na Playa lo wordo basha pa Diasabra 3:00 pm

181
0
SHARE
— E grua a resisti y no kier a basha abo riba Diabierna.
- Advertisement -

ORANJESTAD (AAN): Riba Diabierna tabatin poni riba schedule, entre 1:00 pm y 3:00 pm, cu lo bay basha e conocido “Gantry Crane” di Waf abao.

Envez di desmantela esaki uno-pa-uno, e mihor opcion ta pa djis lage basha abao.  E idea ta pa e wordo ranca banda panort, pa e basha abao y kibra pa asina e restonan wordo recogi mas facil.

Diabierna por a mira hopi preparacion andando riba y rond di e tereno di Waf di Oranjestad.  E ta existi casi 35 aña caba, y ta parce cu e grua di container aki a mustra cu e no ta bay entrega su cuero na un forma facil, y lo bataya contra e expertonan.

Esey mes a sosode!  Ya cu e prome intento pa baha e grua, haciendo uso di un Excavator grandi cu a trek e Grua aki benta abao, no a bay manera cu tabata planea.  Dado momento e kabelnan cu tabata mara na e Grua a laga bay y mester a stop e intento, pa bolbe haci full un preparacion atrobe

Pues e grua cu ta decora e cielo di Oranjestad desde 1983, a haya 24 ora mas di bida.

E fayo cu uno di e kabelnan, a pone cu e plan pa basha e grua abao riba Diabierna no a sigui.

Director di Aruba Ports Authority a indica, cu awor ta pone un fecha nobo, esta Diasabra 20 di Mei pa 3:00 pm.

Durante e trabao aki, autoridad a haya necesario pa cera e pida Boulevard na altura di Waf.  For di e rotonde na Wendy’s te na Citgo Boulevard, e pida caminda a wordo cera door di DOW cu baricada, y Polis ta check tur esey.

Esey ta debi, cu pa seguridad, e zona di peliger a wordo calcula di ta entre e prome 200 meternan.

DIARIO a nota cu basta hende a bay mira e bashamento di e grua, pero na final a bay ‘desapunta’ bek.

Via Internet bo por mira esaki en vivo via di PortArubaWebcam.com

- Advertisement -

DUNA COMENTARIO

Please enter your comment!
Please enter your name here