Home Politica Hipólito “Eddy” Ras di Forsa Nobo mustrando cu Mavo Havo y VWO...

Hipólito “Eddy” Ras di Forsa Nobo mustrando cu Mavo Havo y VWO na Noord ta un necesidad

108
0
SHARE
- Advertisement -

ORANJESTAD (AAN): A base di añanan escolar di ’93-’94 te cu ’13-’14, e demanda pa un reguliere MAVO / HAVO na Noord a bin ta crece. Bou di reguliere MAVO / HAVO ta worde comprendi dagschool (school di den dia). E demanda a bin ta crece como cu e cantidad di alumnonan di region Noord / Tanki Leendert cu ta sigui nan estudio na un reguliere MAVO of HAVO / VWO a bin ta aumenta.

E aumento di cantidad di alumnonan di region Noord / Tanki Leendert cu a bin ta aumenta ta worde señala den e rapportnan di enseñansa di Directie Onderwijs. Pa medio di e rapportnan por a acumula e informacion cu ta bin dilanti.

MAVO:  Como 20 pa 24 aña pasa tabata ta tin entre 2000 pa 2200 alumno cu tabata acudi na un MAVO aki na Aruba. 260 pa 350 di e alumnonan cu tabata acudi na un MAVO 20 pa 24 aña pasa, tabata alumnonan procedente di regio Noord / Tanki Leendert. E cantidad di alumnonan procedente di region Noord / Tanki Leendert tabata representa un porcentahe entre 13 pa 16 % di e cantidad di e alumnonan cu tabata acudi na un MAVO.

E promedio actual di e cantidad di alumno cu ta acudi na un MAVO school ta entre 3250 pa 3350 alumno. Den e ultimo añanan escolar  tin entre 600 pa 700 alumno di region Noord / Tanki Leendert cu ta acudi na un MAVO. Esaki ta presenta un porcentahe entre 20 pa 22 % di Aruba su alumnonan cu ta bay un MAVO.

HAVO / VWO:    Como 20 pa 24 aña pasa tabata ta tin entre 1200 pa 1400 alumno cu tabata acudi na un HAVO / VWO aki na Aruba. 170 pa 260 di e alumnonan cu tabata acudi na un HAVO / VWO 20 pa 24 aña pasa, tabata alumnonan procedente di region Noord / Tanki Leendert. E cantidad di alumnonan procedente di region Noord / Tanki Leendert tabata representa un porcentahe entre 14 pa 19 porciento di e cantidad di e alumnonan cu tabata acudi na un HAVO / VWO.

E promedio actual di e cantidad di alumno cu ta acudi na un HAVO / VWO school ta entre 2200 pa 2300 alumno. Den e ultimo añanan escolar  tin entre 550 pa 590 alumno di region Noord / Tanki Leendert cu ta acudi na un HAVO / VWO. Esaki ta presenta un porcentahe entre 24 pa 26 porciento di Aruba su alumnonan cu ta bay un HAVO / VWO.

E aumento di e cantidad di alumnonan di region Noord / Tanki Leendert tin di haber cu region menciona a bin ta crece. Den rapport di CBS, Censo 2010, ta indica con e poblacion di Aruba y region Noord / Tanki Leendert a bin ta crece.

Rapport di CBS ta señala cu di aña 1991 pa 2010, poblacion di Aruba a crece cu 152%. Unda cu poblacion di regio Noord / Tanki Leendert a crece cu 214 %.

Pa medio di mas localidad di MAVO / HAVO / VWO, schoolnan ta bay tin mas supervision di alumnonan na school compara cu schoolnan grandi. Y e situacion aki ta brinda mihor oportunidad pa miho guia social y individual den formacion di e hobennan. Cual lo duna un miho resultado di puntonan na school y preparacion den nan siguente estudio. Un comunidad cu bon educacion ta conduci na un comunidad cu un bon bienestar.

- Advertisement -

DUNA COMENTARIO

Please enter your comment!
Please enter your name here