Hoben gara cu basta droga madruga

ORANJESTAD      (AAN):  Den careda di 3’or y 55 di madruga, Flex team pasando den e parkinglot di Heart of Music Bar, a haya holo fuerte di marihuana. Mesora nan a bay over na busca di unda e holo fuerte aki ta bin y bingo.

Nan a bin topa cu un hoben cu dreadlocks den un Chevy color cora, numera A-64055. Mesora Flex team a bay check un ke otro y a conclui cu e hoben den e Chevy cora tabata usando droga.

Mesora a bay over na detene e hoben aki pa motibo cu e tabata uza droga riba tereno publico. A manda pidi dogcatcher pa asina transport’e pa warda. Un tas cu basta droga a wordo haya den su poder.