Home General IBiSA trahando buki pa scolnan pa educa mucha con pa come y...

IBiSA trahando buki pa scolnan pa educa mucha con pa come y bebe saludable

23
0
SHARE
- Advertisement -

ORANJESTAD (AAN) — IBiSA a saca un buki dirigi na alumnonan di scol, pa educa nan y informa nan, tocante kico mester come y bebe pa biba saludable.

E dietista Iraida Thijsen, den un entrevista cu Matutino DIARIO, a duna informacion al respecto.

Sra. Thijsen a menciona cu pa nan como dietista ta facil pa bisa “come tal cos” pero e persona eyfo mester di un tiki mas guia.

Pesey nan ta trahando riba e proyecto di e buki pa bay cune na tur scol na henter Aruba, pa splica e maestronan kico ta un cuminda saludable y duna nan tools pa nan por transmit e informacion na e alumnonan, pasobra nan ta e siguiente generacion.

Iraida Thijsen a comenta cu ta masha dificil pa haci cambio di comportacion den hende grandi, pero cerca mucha e por bay mas facil.

Sra. Thijsen a expresa cu si maestro, mayor, IBiSA y publico en genera por traha hunto, lo por guia e mucha hopi mihor pa biba mas saludable.

El a bisa cu por ehemplo, locual un mucha mester come ta diferente cu pa un persona di 65 plus. Departamento di Salud conhuntamente cu e Plataforma, a traha e foyetonan y awor nan ta bezig ta pensa con nan ta bay implementa e informacion eyfo.

- Advertisement -

DUNA COMENTARIO

Please enter your comment!
Please enter your name here