Home Enseñanza Inscripcion a habri pa interesadonan pa sigui estudio di HBO (bachelor) den...

Inscripcion a habri pa interesadonan pa sigui estudio di HBO (bachelor) den “Maatschappelijk Gezondheidszorg” (MGZ).

31
0
SHARE
- Advertisement -

ORANJESTAD(AAN)–  Pa cuminsamenton di september 2017 Instituto pa Formacion den Enfermeria (IFE Curacao) tin planea pa cuminsa cu e estudio di “Maatschappelijk Gezondheidszorg” aki na Aruba.

Mirando e necesidad pa mas enfermeronan riba e tereno di cuido social na nivel halto di educacion, a dicidi di cuminsa e estudio aki pa di dos biaha na Aruba.

En principio tur enfermero nivel 4, cu minimo dos aña di experencia por tuma parti na e estudio aki. Aunke e enfasis lo wordo poni na e trahadornan di Departamento di Salud Publico, Hospital, Wit Gele Kruis, SABA, SVGA, Centro Medico, FMAA y KIA.

E estudio tin un duracion di dos aña y mei. E prome aña lo ta general y e di dos aña lo wordo parti den dos seccion, cu ta “Cuido di Salud General” y “Cuido di Salud Mental”. E ultimo mitar aña lo ta general. Inscripcion ta habri y tin cupo pa solamente 20 participante.

Tambe ta evaluando e posibilidad pa start un e estudio riba nivel di educacion halto (HBO) di “Kader in de Gezondheidszorg”. Esaki ta un estudio cu ta prepara e profesional pa duna maneho y guia den instancianan cu tin di haber cu cuido. Esnan cu ta bin na remarke pa e estudio aki ta esnan cu tin un educacion riba nivel 4 den ramo di enfermeria, trabounan social y salubridad.

Pa mas informacion interesadonan por tuma contacto cu drs. Rafael S. Lopez, coordinador di e proyecto aki pa IFE-Aruba, na telefon 5928170.

 

 

- Advertisement -

DUNA COMENTARIO

Please enter your comment!
Please enter your name here