Home Politica Klem tabata e ultimo obstaculo pa desaroyo di mas comercio

Klem tabata e ultimo obstaculo pa desaroyo di mas comercio

161
0
SHARE
- Advertisement -

Prome Minister Mike Eman:

ORANJESTAD(AAN): Awor aki practicamente no tin caminda di para, no por klem, tin negoshi cu ta gritando cu cierto area ta worde afecta pa motibo di auto di trahadonan cu a coy e luganan back.

Segun prome minister Mike Eman, pa demostra e bon boluntad cu esnan di caya grandi a sinti cu por ta e klem lo tabata e ultimo obstaculo pa e desaroyo di mas comercio den centro den ciudad. A haci un empeño hopi grandi durante e ultimo añanan pa rescata e centro di ciudad cu tabata den un decadencia total, haciendo inversionnan substancial den renobacion di henter e centro di ciudad y conekt’e realmente cu unda e barco cruceronan ta yega. No unicamente e cantidad di turistanan cu e tram ta hiba den caya, pero e hecho so cu e caminda ta marca pa via di e mesun railsnan den tram cu ta duna indicacion na turistanan cu ey tin algo ta sosode, ta un contribucion importante na crea e espacio positivo pa por tin un desaroyo den centro di ciudad.

Locual cu pa Gobierno ta obvio ta cu desaroyo di locual ta worde yama retail, tin otro retonan cu no tin di haber cu parkeo, no tin di haber cu algun di e temanan cu ta worde menciona como e temanan di reto. A haya importante si pa temanan aki, manera e asunto di parkeo, klem, elimina nan for di discusion pa asina por logra un atencion general di tur esnan den centro di ciudad pa por mira e temanan cu berdaderamente tin efecto riba e benta den caya grandi.

Pa splica un rato e motibo cu a tuma e decision pa bisa ok, e klem ta e tema cu ta mas halando atencion y ta kitando atencion for di otro cosnan cu por haci, manera cu a keda demostra den Hackathon, muchanan creativo cu a bin cu ideanan cu por trece den otro formanan di tecnologia moderno, hendenan pa disfruta di nos centro di ciudad, a haya importante pa tuma un decision rato y bisa pa elimina e klem. Na e momentonan aki e departamentonan concerni a haya e peticion di parti di Gobierno pa bin cu un alternativa pa con pa controla ora hende ta para nan auto y nan no ta cumpli cu e pagamento di parkeo manera cu e ta stipula.

E pagamento aki cu kier introduci ta uno caminda cu bo ta haya un multa cu ta worde registra riba e plachi di number y cu ta yega cas, na momento cu no cumpli cu e parkeo. Esey ta un cambio chikito den e ley cu ta worde traha na e momentonan aki pa e departamento huridico di Gobierno y mientras tanto ta controla si pa hendenan no para robes, etc. Pero dentro di corto ta spera cu e ley aki ta adapta. E ora ey e multanan por worde imponi. E ora tur hende lo tene nan mes na e areglo di unda por para y unda no por para, con largo por para.

Pa Gobierno tambe ta importante den e periodo cu a pasa pa haci cambionan den e orario tambe, pa por suavisa cualkier situacion cu por tabata tin. A baha di 7’or di mainta pa 3’or di atardi. A duna basta dia liber y asina kier wak awo si por crea cierto areanan toch liber pa parkeer y cierto areanan ta paga pa asina semper un hende cu kier yega den caya y kier paga, por haya un espacio. Esnan cu kier para liber y tuma e risico pa esey, ta busca su area liber pa e por para. Esey ta e cambionan cu no por a introduci den pasado toch. Tin cu bisa esey pasobra e flexibilidad no tabata existi. Miniser de Meza a mustra mas cu boluntad pa por scucha e peticionnan aki cu a bin na minister Eman, via esnan cu tin negoshinan den caya grandi. Awor ta sintando na un manera constructivo na mesa cu minister de Meza pa por logra di por cumpli cu hopi di e deseonan cu ta scuchando for di e diferente sectornan den caya grandi.

 

 

- Advertisement -

DUNA COMENTARIO

Please enter your comment!
Please enter your name here