Home Economia KvK mustrando cu Aruba ta hopi atras cu sistema pago online pa...

KvK mustrando cu Aruba ta hopi atras cu sistema pago online pa shopping

84
1
SHARE
— KvK sa di e rol di banconan pa cu e-business na Aruba.
- Advertisement -

ORANJESTAD (AAN): Riba Diahuebs cu a pasa, Camara di Comercio y Industria di Aruba (KvK) a tene un reunion cu Banco Central di Aruba (CBA) y Asociacion di Banconan di Aruba (ABA). E motibo principal di e reunion aki ta pa trece claridad riba e rol y responsabilidad cu banconan tin encuanto ‘e-business’. Otro punto pa e reunion ta pa sondea e forma con banconan por facilita tanto e comerciante como e cliente pa haci transaccion den e mundo digital.

KvK SA DI E ROL DI BANCONAN PA e-BUSINESS NA ARUBA

KvK a extende un invitacion na CBA y na miembronan di ABA pa asina por sinta na mesa y hunto discuti e puntonan encuanto sistema di pago pa asina yega na solucionnan cu ta yuda e comercio di Aruba. KvK su meta tras esaki ta pa di e forma aki representa e comerciante local pa nan por yega na tin e posibilidad di un miho servicio na nan clientenan por medio di un miho plataforma pa haci ‘e-business’.

Actualmente na Aruba nos ta hopi atras den esaki y e topico di ‘online shopping’ no ta nada nobo.  Den e ultimo aña a mira un crecemento hopi significante pa loke ta ‘online shopping’ no obstante e limitacion cu Aruba tin pa por haci ‘e-business’.

STRUCTURA PAGO ONLINE CU TA ACCESIBLE

KvK kier logra cu hunto cu CBA y ABA por yega na solucionnan pa un structura di pago online cu ta accesibel, confiabel y bon proteha contra crimen cibernetico. Hopi comerciante ta duna di conoce cu nan ta hayanan ta perde oportunidad di haci negoshi door di nan limitacion den e clientenan cu ta opta pa haci ‘online shopping’.

KvK kier evalua hunto cu e instancianan financiero riba e topico di e ‘red tape’ cu e comerciante ta worde confronta cune ora cu kier habri un cuenta comercial cerca un banco. Tambe cu e ta dura hopi largo ora di haci transaccionnan entre e banconan. A discuti e rol cu tanto e banconan comercial como CBA tin pa asina regula e transaccionnan cu ta costa e comerciante tempo y placa. Pa medio di e reunion KvK kier a trece e topico aki riba mesa pa tur duna nan punto di bista riba esaki y asina yega na un solucion pa e obstaculonan aki.

E reunion a bay hopi bon y tabata uno hopi constructivo. Pronto lo sigui cu un otro reunion pa asina yega na plan di accion concreto.   KvK kier a gradici CBA y ABA pa ta presente na e reunion aki.

Aki DIARIO tin di remarca, cu di hopi tempo caba ta centenares di hende ta lamenta na Aruba, cu ainda e isla aki NO a wordo poni riba un lista cu ta “PayPal-Ready” pa haci transaccion di pago online.  Ohala cu esaki pronto bira realidad.

 

- Advertisement -

1 COMMENT

  1. Paypal ta duna un impression hopi amateur. Ami sa con pa setup un online store y wordo paga ribo bo cuenta di banco na Aruba via un wire transfer.

DUNA COMENTARIO

Please enter your comment!
Please enter your name here