Home Suceso Ladronnan a-la-pelicula a drenta pa horta den Kooyman

Ladronnan a-la-pelicula a drenta pa horta den Kooyman

2631
0
SHARE
- Advertisement -

ORANJESTAD (AAN): Testigonan a mira dos vehiculo sospechoso Dialuna marduga dilanto Kooyman Mega Store cu ta na Avenida Watty Vos.

Despues a drenta informacion, cu un kiebro grandi a tuma lugar den e negoshi di Hardware y Home Center aki.

— Polis a usa Hoogwerker di Bombero pa yega riba dak.

Compania di Security a dicidi na manda un patrol pa e negoshi, y Polis tambe a wordo informa.

E Patrol cu a yega prome, a bin descubri cu e porta di negoshi ta habri.  E propietario di e lugar tambe a yega, y asina a bay check kico a pasa.

Asina a descubri cu ladron a drenta Kooyman Mega Store, pero via di dak.  Asina a baha paden usando cabuya, y asina trata na yega na e Caha Fuerte.

Via e mesun cabuya aki, nan a subi yega dak bek, pa asina huy y desaparece.  Kico nan a horta paden, ainda no ta conoci pa prensa.

Polis a manda busca Recherche como tambe personal di BFTO pa haci investigacion forensico.  A pidi yudanza di Cuerpo di Bombero tambe, cu a bin cu nan Hoogwerker, pa asina autoridad por a bay tira un bista riba dak.

E caso ta bao investigacion.  Cualkier persona cu a pasa madruga y mira algo, ta ser pidi pa contact Tipline di Polis na 111-41.

 

- Advertisement -

DUNA COMENTARIO

Please enter your comment!
Please enter your name here