Home General Lily Clarisa ta presentando un buki di poema

Lily Clarisa ta presentando un buki di poema

45
0
SHARE
- Advertisement -

ORANJESTAD (AAN): Muy pronto lo tin e presentation di Buki: ‘Lost love poems’ ta un coleccion di poema skirbi pa poeta Lily Clarisa Henriquez y Lily ta presenta su publicacion na Biblioteca Nacional Aruba diabierna anochi, dia 9 di juni pa 7or.

Lily a expresa su sentimentonan di amor y tristeza pa perdida den forma di poema. Y den proceso a cuminsa traha riba un publicacion. Cu mucho gusto e poeta Lily Clarisa ta ofrece su obra creativo na un publico local. Poemanan ta na Ingles. Actualmente Lily Clarisa ta traha como docente Ingles na EPB.  Pronto tambe pa fia na biblioteca. E buki lo ta na benta e anochi di presentacion.

Back cover: Lost love poems, is a collections of 49 poems that takes you on a journey, this journey from love to heartbreak is personal yet universal. Beautifully illustrated and thoughtfully conceived, Lost love poems will take you on a brisk walk through the wilderness of love: the good, the bad, the longing, the desperation and the heartbreak. And, in the end, while thinking all love ever does is break, burn and end, it all begins again.

Book Signing:
Dia 10 di Juni for di 11:00 am -1:00 pm nos ta conta cu presencia di Lily Clarisa cu lo ta presente na De Wit & Van Dorp situa na Dakota pa presenta y firma su buki ‘Lost Love Poems’ na tur su publico.
‘Lost Love Poems’ ta un coleccion di 49 poesia cu ta hibabo riba un biahe emocional for di etapa di amor te cu periodo di desamor.
‘Lost Love Poems’ ta hibabo door di e aventura cu yama amor; e parti bon, e malo, e deseo, e desesperacion te na olvido y desamor. Na final, ora bo pensa cu amor ta caba na nada, e chispa ta sende back y e ta cuminsa full di nobo.
E storia di Lily Clarisa’s:
Ya for di chikito caba Lily Clarisa a cuminsa skirbi poesia, novela pa hoben adulto y tambe storia pa mucha (pendiente publicacion). Na 2015 y na edad di binti tres aña, el a publica su prome buki di poesia titula ‘Lost Love Poems’. E prome volumen di e buki ‘Lost Love Poems’ ta concentra riba e innocencia, puresa, anhelo y e efecto casi obsesivo. E segundo volumen ta cubri efecto devastador cu amor por tin y cu ta laga bo sinti perdi. E mensahe cardinall cu ‘Lost Love Poems’ ta trece dilanti ta pa nunca stop di kere den bo mes, ni den otro. Amor por kibra, kima y caba, pero bida ta sigui; acepta e dolor, pasa door di e proceso pero sigui pa dilanti, stima otro y stima bo mes, prome cu tur cos.
Lily Clarisa tambe ta un artista-interprete di arte y ta recita su poesia durante evento ‘Poetry Nights on Aruba’. E ta docente di Ingles y escritora. Lily actualmente ta studiando pa obtene su BA in Teaching English as a Foreign Language for di Windesheim college situa na Zwolle, Hulanda. Actualmente, Lily ta duna les di ingles na studiantenan di EPB HATO na Oranjestad, Aruba.

- Advertisement -

DUNA COMENTARIO

Please enter your comment!
Please enter your name here