Home Evenemento Lo bay tin evento di “Compartimi” riba Diadomingo 4 di juni 2017

Lo bay tin evento di “Compartimi” riba Diadomingo 4 di juni 2017

18
0
SHARE
- Advertisement -

ORANJESTAD (AAN): Riba diamars 23 di mei ultimo a tuma lugar e delaster reunion pa locual ta trata e programacion di Compartimi. Tur cos ta cla pa e proyecto na Community Museum bou nomber di “Compartimi” por tuma lugar diadomingo 4 di juni 2017.

E invitado VIP kende ta Sr. Dufi Kock, bou guia di Sr. Renwick Heronimo lo comparti cu tur presente y hunto ta hiba nos back den tempo pa haya e contestadi e pregunta: “San Nicolas por a somenta?”

E concepto di Compartimi ta pa pa e communidad por bini hunto den un ambiente relaha pa asina concientisa y comparti hunto activamente den locual ta trata conservacion di nos historia, artefacto, coleccion, herencia y mucho mas. Ta solamente un communidad cu sa di unda e ta bini por dirigi e rumbo cu eta bay. Compartimi ta aki pa inspira nos communidad pa ta activo y hunto inspira futuro generacionan.

Bin pasa un dushi diadomingo na Sunrise City. Bin comparti of bin haya sa ki rol importante San Nicolas tabatat tini den Di Dos Guera Mundial. Community Museum ta situa banda di CMB Branch na San Nicolas. E prome edicion di Compartimi ta tuma lugar ariba diadomingo 4 di juni 2017 cuminsado 10:00am -12:00pm. Pa e evento aki ta necesario pa inscribi. Cupo pa e charla ta limita. Sin insribcion no por participa.

Por inscribi por medio di e-mail infocommunitymuseu@gmail.com of telefonicamente na 584-7090. Tin un contribucion (AFL10,-) pa e evento aki cu tambe ta inclui entrada pa Museum of Industry. Pa sigura bo lugar por pasa paga na Museo. Nos ta ofrece un pasa boca y algo di bebe na participantenan di e charla.

Fundacion Museo Arubano ta invita pueblo completo pa bin comparti cu nos y pasa un rato ameno na Community Museum.

- Advertisement -

DUNA COMENTARIO

Please enter your comment!
Please enter your name here