Home Politica Localidad informacion Proyecto Dreamers di Diabierna a cambia pa Cas di Cultura

Localidad informacion Proyecto Dreamers di Diabierna a cambia pa Cas di Cultura

65
0
SHARE
- Advertisement -

ORANJESTAD(AAN): — E proximo sesion di informacion di Proyecto Dreamers ta tuma lugar na Cas di Cultura Diabierna dia 12 di Mei pa 7 or di anochi.

Esaki directora di Dimas Kathy Ruiz Paskel a duna di conoce durante un conferencia di prensa cu a tuma lugar Diaranzon mainta.

El a splica cu e cambio di localidad a bira necesario despues di un evaluacion total di con e prome sesion di informacion di Proyecto Dreamers di Diabierna ultimo a bay, unda no a logra pa acomoda tur hende den e dos sesionnan cu a tene.

E intencion ta pa haci un solo sesion grandi di informacion Diabierna awor.

Si despues di esaki nan ripara cu ta ainda necesario pa bin cu mas session, un sesion extra lo tuma lugar e siguiente diabierna atrobe.

Proyecto Dreamers ta un proyecto cu ta dirigi riba personanan cu ya a integra den nos comunidad, cu ta lanta y ta forma na Aruba, y cu ta rekeri di tin un permiso di estadia pa ta legalmente na Aruba.

E persona cu ta haci un solicitud den cuadro di proyecto Dreamers mester por comproba cu e tin minimo 10 aña biba aki na Aruba, y di cual 5 di e añanan minimalmente e persona aki tabata un menor, locual ta significa cu e lo a bin Aruba ora e tabata tin 13 aña of menos, no tin antecedente penal, y si ta un menor, por comproba cu tin un representante legal cu tin custodia over di dje y tin sea un permiso valido den man (of tin esaki den proceso.)

Riba e anochi di informacion aki lo sigui duna splicacion di e cuadro di e proyecto Dreamers, lo splica e formularionan, kico ta e rekisitonan, con e proceso pa aplica pa un permiso pa tempo indefini den e Proyecto Dreamers ta bay, y lo contesta preguntanan for di sala. Durante e conferencia di prensa, señora Ruiz Paskel a bisa cu DIMAS kier a extende un invitacion cordial na esnan cu ainda tin necesidad pa obtene informacion of tin preguntanan relaciona cu e Proyecto Dreamers, pa acudi na e anochi informativo di DIMAS Diabierna awor dia 12 di Mei cu ta cuminza pa 7or di anochi na Cas di Cultura. Demas personanan cu ya a haya suficiente informacion encuanto e Proyecto Dreamers of ya sa cu nan lo bin lo remarca pa un permiso pa tempo indefini den e proyecto Dreamers, por download for di www.dimasaruba.aw e formulario pa pidi cita (obtenibel den 3 idioma).

Yena esaki y mand’e via officialdimasaruba@gmail.com pa DIMAS. DIMAS ta planea e citanan riba diferente diabierna den e lunanan Mei y Juni 2017.

Tambe e cliente por download for di website di DIMAS e foyeto di informacion (den tres idioma) y e formulario di aplicacion pa permiso Dreamers cu su lista di rekisito. Ta na e cliente pa acumula e documentacion rekeri y haci e pagonan corespondiente di antemano na Departamento di Impuesto y pa presenta riba dia di e cita na DIMAS.

DIMAS lo tin un loket special di servicio (help desk) habri – cuminsando e siman benidero – pa duna asistencia y sosten gratuito na esnan di e proyecto Dreamers.

- Advertisement -

DUNA COMENTARIO

Please enter your comment!
Please enter your name here