Home Suceso Luis Mansur ta declara cu loke a pasa Diahuebs ta un mal...

Luis Mansur ta declara cu loke a pasa Diahuebs ta un mal comprondemento

3539
0
SHARE
— Jossito Mansur (DIARIO) aki cu su omo Luis Mansur.
- Advertisement -

ORANJESTAD (AAN): “No tin ningun caso di secuestro!”  Esey ta loke famia di e comerciante local Luis Mansur a divulga na DIARIO, relaciona cu e cantidad di rumor cu a circula riba Diahuebs.

— Autoridad na e cas na Nuñe.

Tabata Diahuebs algo prome cu merdia, cu rumornan den tur forma a cuminza circula, cu e comerciante Luis Mansur a wordo secuestra na Medellín, Colombia.  Otronan despues a circula e informe, cu el a wordo secuestra na Aruba mes.

Polis a hasta wordo manda mainta na cas di Mansur na Nuñe pa check e asunto.  Parce cu pa algun rato, ningun hende no sa di e paradero di Luis Mansur.  Esaki riba su mes, a crea un momentum den e fabrica di rumor, cu a bira cada biaha mas y mas sensacionalista.

Mientras tanto, Luis Mansur ta na Aruba mes!  Ningun rato e no a bandona e isla ultimo temponan.  Ora cu algo prome cu 2’or di merdia el a haya sa cu tin remolino di rumor ta circula cu supuesto secuestro, e mes a pasa man pa telefon y a yama Central di Polis.

Pa 1:57 pm, Polis a haya yamada di Luis Mansur, kende a mustra claramente cu e no ta secuestra, e ta bon y normal di dje.

— Autoridad a bay investiga e Toyota Prado.

Hefe di Redaccion di DIARIO, Jossito Mansur tambe a acudi na cas di su omo Luis Mansur, y topa cune cu sonrisa y ainda no por compronde con e supuesto informe di secuestro a plama asina.

Riba e potret por mira Jossito Mansur (man robez) aki cu Luis Mansur, kende ta mustrando cu tur esaki ta parce di ta basa riba un simple malcomprondemento.  “E ta un simple misunderstanding,” Luis Mansur a indica na Director di DIARIO.

Polis tabata presente na e cas, como tambe Recherche.  Nan a start un investigacion pa asina check tur detaye di e caso, y a interoga Mansur tambe riba esaki.

Recherche a haya necesario pa confisca e Toyota Prado diesel di dje, pa asina oficialnan forensico di BFTO por haci investigacion cientifico riba dje.  Aunke Mansur ta bisa cu nada no a pasa, tog Autoridad Hudicial ta haya necesario pa investiga tur e asunto aki.

 

- Advertisement -

DUNA COMENTARIO

Please enter your comment!
Please enter your name here