Home Suceso Mas cu 300 mata di marihuana confisca na Macuarima

Mas cu 300 mata di marihuana confisca na Macuarima

1835
1
SHARE
- Advertisement -

 

ORANJESTAD    (AAN): Diadomingo birando anochi polis a wordo dirigi na Macuarima 111 unda tabata tin un discusion saliendo for di man entre omo y sobrino. Na e sitio e omo cu ta bisiña di su sobrino a declara cu su subrino ta bendedor di droga.

Polis no a bacila y puntre si e sa unda e droga nan ta.  Door cu e sobrino ya caba a bandona e sitio, e omo mes a habri e cas pa polis por a bin listra. Aki a bin topa cu masha hopi cabes di marihuana, grinder, saconan chikito, placa y varios cos mas pa uso y pa bende. Tabata tin ademas holo fuerte na marihuana y segun e omo e mester tin mas den cunucu. Polis a bay den cunucu y a bin haya en total 301 mata di marihuana planta, di chikito te na 1.60 meter di altura. A cuminza un investigacion hunto cu departamento di droga y asina a confisca tur mata y e pochinan. Tur a wordo transporta pa warda di Santa  Cruz pa asina traha un rapport. Awor e subrino mester bay duna cuenta di tur e matanan aki cu ta su propiedad. 

- Advertisement -

1 COMMENT

  1. Despensami pero desde ki dia un otro hende tin permiso di laga polis drenta den cas cu no ta ni di dje pa hasi “investigacion”? Polis a drenta onrechtmatig, sin search warrant valido. Dilanti juez e caso aki no lo para. Esaki nos ta yama amateurism di nos cuerpo policial. Bon trabou! Ainda falta!

DUNA COMENTARIO

Please enter your comment!
Please enter your name here