Home Politica MAS ta indica cu probablemente refineria ta habri bek te 2020

MAS ta indica cu probablemente refineria ta habri bek te 2020

150
0
SHARE
- Advertisement -

E partido kier un splicacion riba e asina yama ‘bridge loan’ di 200 miyon dollar

ORANJESTAD   (AAN): Norman Kuiperi ta haya cu pueblo no ta hayando informacion corecto for di Gobierno of for di CITGO tocante nos refineria.

Esaki el a indica durante conferencia di prensa di MAS Diahuebs.

Segun Kuiperi, un noticia a wordo publica atravez di un medio di prensa specializa den sector petrolero y e publicacion aki a bisa cu e ‘startup’ di e refineria di Aruba a wordo aplaza y cu nan ta pensa cu e refineria lo no habri bek te cu aña 2020.

Kuiperi a sigui bisa cu despues cu esey a wordo publica, tanto Alvin Koolman como tambe minister Richard Arends a Sali desmenti y nenga locual a wordo publica.

Nan lo a bisa cu tur cos ta cla y ta ‘on schedule’, segun Kuiperi, kende a bisa cu ora cu el a hasi pregunta nan a bisa cu ta Banco Central lo a pasa informacion robez na e medio di comunicacion di  mundo petrolero.

“Den Financieel Dagblad Koolman y Arends a papia un idioma masha suave y hasta preocupante, cu si e situacion financiero na Venezuela sigui manera cu e ta bayendo, esaki por trece preocupacion y tardanza den e operacion di Aruba”.

“Tin preocupacionnan andando na Merca unda cu den Senado Mericano tin un discusion andando riba CITGO, door cu e ta un compania ta liga cu un banco Ruso y cu e  ta bin di un pais cu no ta aliado di Merca”, segun Kuiperi.

Kuiperi a indica tambe cu Gobierno no a splica con e asina yama Bridge Loan di 200 miyon dollar ta hinca den otro, den henter e pakete di financiamento.

“Ora cu bo mira e presentacion, bo ta mira cu nan a indica cu tin mester di 700 miyon di dollar pa pone e refineria opera bek”.

“Diripiente nan a bin cu un bridge loan di 200 miyon dollar”.

“Mi pregunta ta, e 200 miyon aki ta ariba di e 700 miyon, of inclui den dje?”, segun Kuiperi.

 

- Advertisement -

DUNA COMENTARIO

Please enter your comment!
Please enter your name here