Home Economia Mester wak kico ta e factornan real cu no ta conduci na...

Mester wak kico ta e factornan real cu no ta conduci na hopi benta pa tiendanan den Caya

63
0
SHARE
- Advertisement -

Prome Minister Mike Eman:

ORANJESTAD (AAN): Tur esaki no ta kita cu nan tin cu keda mira banda di tur renobacion a worde haci den Caya Grandi, kico ta e influencianan cu ta keda afecta e cantidad di personanan cu ta haci compras den Caya Grandi segun Prome Minister Mike Eman. A mustra di ta exitoso di haci un Caya Grandi sumamente bishita, druk, pero ainda e benta di e tiendanan no ta locual a spera di dje.

Esey ta bisa hopi kico ta ofrece den e tiendanan si ey mester bin ahustacion. Na hopi pais tiendanan ta bira restaurant, nan ta bira Horeca, kiermen cambionan ta worde haci. Otro paisnan di mundo cu no ta unicamente e tema di cuanto hende ta yega caya. Como gobierno nan ta enfocando den e ultimo temponan aki pa haci caya miho y bou Algemene Zaken mes tin 3 persona ta encarga diariamente pa pensa hunto cu e tiendenan riba actividadnan.

E fin di siman aki mes tabata tin actividad, caya tabata yen. Pero no semper esey ta conduci na hopi mas benta, pasobra tin algo cu mester haci den e ofertanan cu ta sali for di tienda. Cu e pensamento habri aki mester acerca e tema di Caya Grandi y kita esun di elimina klem, elimina e problemanan cu tin ora cu a haci investigacion rond na momento cu a habri Caya Grandi 1 luna pa test.

Aki gobierno a mira cu esey tampoco tabata tin riba e impacto cu nan a spera di dje. “Nos a bisa cu nos ta continua den evaluacion pa mira si e cambionan cu nos ta haciendo locual ta trata e orario, e klem, etc. ta bay haci mas diferencia,” Prome Minister Eman a bisa.

E ta kere cu pa tur mester ta bisto cu ta bin tramnan yen di persona cu ta yega den Caya, e atraccionnan por ehempel den e prome mita di Caya ta suficiente pa hende baha. Pero hopi biaha e otro parti di Caya Grandi por mira cu e personanan no ta baha pa por tuma servicionan cu tin den Caya. Esey ta un indicacion cu ainda tin hopi pa haci ainda.

Ta poniendo Wifi, ta poniendo eventonan grandi den Caya pa percura pa trece hende. Gobierno ta efocando riba e dianan liber cu tin of dianan special, manera dia di mama, Pasco, back to school. “Gobierno ta haciendo mas cu niun gobierno a haci pa duna empuh’e na Caya Grandi. E inversionnan cu nos a haci pa duna e centro di ciudad un cara, un centro di ciudad renobacion y calidad cu e merece, ta algo cu mi ta kere cu niun otro gobierno a haci,” e mandatario a indica. E choller house cu a haya, un Caya Grandi cu tabata totalmente deteriora cu nan a haya y pa locual e ta awo, ta un diferencia hopi grandi.

 

 

- Advertisement -

DUNA COMENTARIO

Please enter your comment!
Please enter your name here