Home General Meteo vigilando di cerca entrada di temporada di horcan

Meteo vigilando di cerca entrada di temporada di horcan

60
0
SHARE
- Advertisement -

ORANJESTAD (AAN) – Matutino DIARIO a entrevista señor Dave Barkmeyer, director suplente di Servicio Meteorologico Aruba.

E entrevista aki ta den contexto di e temporada di Horcan, programa pa instancianan concerni, pa cuminza 1 di Juni proximo.

Barkmeyer a menciona cu hopi instancia ta duna pronostico pero Meteo Aruba ta basa su mes den esun di Colorado State University, cu tin e background di mas cientifico y eigenlijk confiable.

Ta wordo pronostica un temporada normal. Ta spera diesun tormenta fuerte y cuater horcan. Ya caba a registra un tormenta yama Arlin, cu a cuminza cu un tormenta subtropical y despues a bira uno tropical. Kiermen, nos por spera diez mas segun sr. Barkmeyer.

E funcionario a menciona cu ketobay Meteo ta mira episodio neutral di El Niño y ta di spera cu e keda stabil pero si den dado momento tin un cambio den esey, por ehemplo un transicion di El Niño pa La Niña esaki semper ta registra mas actividad di yobida y ciclon tropical.

Aruba, despues di Januari cu tabata tin basta yobida constante, e situacion a calma y a keda den un situacion neutral.

Barkmeyer a comenta tambe cu si algo sosode na parti noord di Venezuela Aruba ta exponi na ricibi parti di dje, pero ta normal cu tin mal tempo y basta pisa na Venezuela, door cu su zona di convergencia inter- tropical ta subi pareu cu e posicion di e solo. E ora ey Colombia y Venezuela ta haya bastante yobida.

Director interino di Meteo a splica cu loke ta pasa na Dominicana, Haiti, Jamaica y Cuba den e dianan aki ta un storen cu ta bayendo poco, poco den direccion Noord-west. Meteo ta keda vigila esaki, y kizas lo por haya un tiki awa den fin di siman cu ta bin, pero te ainda e no ta mustra asina. El agrega cu nos tin basta sahara stof cu ta tene tur actividad di yobida abao.

E dianan aki por mira un capa shinishi ta baha mainta y anochi, y esey ta pasobra tur e dianan aki e ta bastante concentra. Vooral mainta tempran y anochi ora e temperatura ta cuminza mengua, y condicionnan ta bira mas stabil.

Sr. Bakmeyer a menciona cu, aunke e no ta mete den medicina, e ta kere si cu e temporada cu tin stof di sahara hopi hende ta sufri di malesa di cuero, malesa di wowo (wowo ta grawata), wowitis, y problema di sistema respiratorio.

 

- Advertisement -

DUNA COMENTARIO

Please enter your comment!
Please enter your name here