Home Politica Michella Steenvoorde-Lacle di POR a mira cu awor si diripiente tin atencion...

Michella Steenvoorde-Lacle di POR a mira cu awor si diripiente tin atencion pa 21st Century skills

64
0
SHARE
- Advertisement -

ORANJESTAD (AAN): Segun Michella Steenvoorde-Laclé di E Forsa Nobo POR, dia 12 di Mei mi a ricibi un ameno sorpresa den mi inbox, e tabata un invitation pa un seminario di dos dia titula: Transforming teachers for the 21st century through Practitioner Based Research un curso haci possibel door di Minister di Onderwijs, IPA y Hogeschool van Rotterdam. Lamentablemente, ta unicamente 2 docente pa cada school mag participa na e seminario.

Porfin Minister a duna oido na nos plegaria pa introduci 21st Century skills den nos enseñanza. Algo cu por cierto a keda refleha desde 2007 caba tempo cu Drs Marisol Lopez a laga traha un encuesta entre school bestuurnan, docentenan y alumnonan caminda tabata tin centenares di participante den e encuesta cu a bisa es tempo ey caba cu enseñanza na Aruba mester cambia y prepara su mes pa 21st century.

21st Century skills ta e habilidadnan cu un alumno di 2017 lo mester papor funciona den mercado laboral. E habilidadnan aki ta entre otro: Colaboracion, Communicacion, Pensa  Criticamente, Creatividad/Innovacion y por ultimo habilidadnan den Media y Tecnologia.

Awor faltando apenas 4 luna prome cu eleccion porfin nos Minister lo duna algun maestro y maestra e oportunidad pa sigui un workshop. Algo cu enseñanza ta wardando mas di 10 aña riba dje.

Na final, Michella a bisa: “Nos di POR tin enseñansa como un di nos prome prioridadnan y nos si tin den nos plan integracion di 21st century skillsnan den enseñanza, no pa algun docente, of algun schoolnan so. Sino pa tur docente y pa tur school.”

- Advertisement -

DUNA COMENTARIO

Please enter your comment!
Please enter your name here