Home Social Miguel Littin ta pasa su conocementonan como Cineasta na hobennan rond mundo

Miguel Littin ta pasa su conocementonan como Cineasta na hobennan rond mundo

9
0
SHARE
- Advertisement -

ORANJESTAD (AAN) – Dentro di e marco di e celebracion di e di 40 aniversario di e Tratadonan Torrijos Carter, cu como resultado e pueblo di Panama a recupera su Canal awendia amplia y den pleno progreso economico, for di Fundacion Omar Torrijos Herrera, matutino DIARIO a ricibi un entrevista realiza door di Corant La Estrella cu e Cineasta Miguel Littin.

Nos ta trece un par di fragmento so, door cu pa motibo di espacio no por referi na e entrevista completo. Sigur un lector pa e articulo aki lo ta Mirto Lacle, Academico Linguista cu sa e historia di tur e personahenan Latinomaericano aki.

Littin a papia tocante Garcia Marquez:

“Mi a conoc’e for di hopi prome cu mi a conte mi aventura. El a wordo introduce na mi door di Alvaro Mutis na Paris den e decada 70. Ya mi a lesa su obranan y mi tabata admire hopi”. Littin tabata hunto cu su esposa y nan a bay wak un pelicula did je yama “La Tierra Prometida” cu a ser presenta den e Festival di Cine di Cannes y cu Gabo a guste hopi.

“Mi a propone pa e filma Cien Años de Soledad y e a bisa mi cu e tin un cuenta ‘La viuda de Montiel’ y cu si guste ta bon y si no ‘te fregaste’”. E ta sigui conta con el a traha e film cu a titular “Cuando murio Jose Montiel todo el mundo se sintio vengado menos su viuda”. El a subraya cu el a considera Gabo un ruman, y ta corde cu hopi emocion tur dia di su bida y semper cu e por e ta pone un rose geel riba su lesenaar, mescos cu Gabo tabata haci.

Littin ta papia tocante Omar Torrijos:

“El a impresiona mi hopi. Graham Greene tabata tin razon den sinti fascinacion pe’. Y Gabo a sostene cu e tabata su gran amigo y cu e tabata e mandatario cu ken mihor comprendimento e tabata tin.

E Epopeya di Omar Torrijos, di logra e devolucion di e Canal di Panama na man di e Panameñonan ta un di e hitonan historido di America Latina, cu ta honra nos como Latinoamericanonan”.

E otro caranan di Littin:

El a conta cu el a fungi como Alcalde di su pueblo natal, Palmilla, manera un forma die cha anker pero e tabata kier sigui traha pelicula. Pero el a hinca hopi esfuerzo den educacion, eradicacion di pobresa y den construe solucionnan di vivienda.

“ ‘E ultimo Luna’ mi a filma  na Palestina, pasobra mi welo tabata Palestino y mi ta relata con mi welonan a establece na Chile. Tambe mi tin un welo Griego, y mi buki ‘El Viajero di e cuater stacionnan’ ta conta su bida. E ta un di e personanan cu mas a impacta mi den mi bida”.

Actualmente, Littin ta dirigi un scol di Cine pero semper e ta duna tayer den lugarnan manera India y Calcuta “pasobra mi ta considera cu parti di mi responsabilidad ta transmiti e conocementonan akin a e hobennan, pasobra eynan e futuro ta!”

Ademas el a funda e Instituto di Estudionan Audiovisual Halto, cu ta gratuito, den e universidad estatal nobo di O’Higgins, cu a wordo inaugural door di e Presidente Bachelet.

Un programa cu ta abarca te 19 diploma profesional y e aña aki lo ofrece bachelor. E scol aki tin un vocacion Latinoamericano y tin acuerdonan cu algun pais, entre otro Iran.

Not. Red. Un personahe sigur interesante cu ohala un dia Aruba por trece duna un presentacion, mirando cu nos tambe ta Caribe, nos tambe tin influencia Latinoamericano, y Chile ta un di e paisnan menciona pa Gobierno como interes comercial.

 

 

- Advertisement -

DUNA COMENTARIO

Please enter your comment!
Please enter your name here