Home Politica Minister Mike Meza a reuni 3 ora cu touroperatornan tocante retonan

Minister Mike Meza a reuni 3 ora cu touroperatornan tocante retonan

9
0
SHARE
????????????????????????????????????
- Advertisement -

ORANJESTAD(AAN): Minister Mike de Meza a duna su punto di bista riba e reunion cu a tuma luga cu e touroperatornan na San Nicolas. Esaki tabata un peticion di e personanan cu tin T&O vergunning, of un T of un O tambe. A mira e necesidad pa yama un reunion, cu sigur el a duna nan esaki. A sinta conhuntamente, casi 3 ora largo, papiando di e diferente retonan, e preocupacionnan, pero tambe recomendacionnan cu nan tabata tin.

A haci esaki cu un grupo di taxista tambe. Y awo cu esnan cu tin tourbus y tambe un O vergunning. Hopi punto a bin dilanti cu tin mester di atencion. Hopi preocupacion tambe cu e doñonan di e vergunning di T/O, tambe a vocifera. Tabata tin intercambio hopi positivo. E minister tin hopi simpatia pa diferente punto cu nan a trece dilanti y a acorda cu nan tambe cu lo e sinta hunto cu director di DTP, sr. Gerald Ketteldijk, pa averigua e diferente puntonan aki y mira tambe e cambionan cu tin den transporte publico. Tin hopi cambio den esaki pasobra e ta hopi dinamico.

Tin cu wanta na tur momento consideracion cu tin diferente stakeholder den esaki. Tin e turista mes cu ta un stakeholder, pero tin tambe e taxista, e autobusnan den esaki, tin Arubus den esaki tambe, pero sigur sigur, bo tin e personanan cu ta haci tour tambe, cu tin T of O of tur dos vergunning.

A bisa bon cla cu na tur momento mester busca solucion cu na fin di dia ta sirbi e industria di turismo, pero cu tambe ta sali na beneficio pa e operadornan di e tour cu nan ta move cu nan, pero tambe cu e no por sali desbentahoso pa e otro stakeholdernan cu ta den e sector aki.

Tin cu pone bon atencion riba e puntonan cu nan a trece dilanti, mira con esaki den un balansa total por wordo regla y na fin di dia haci e cambionan cu ta necesario, cu ta beneficioso pa nos industria di turismo, mescos cu e taxistanan, e personanan aki cu tin e Ty O vergunning, tambe por wak nan como embahadornan di turismo na Aruba. Nan ta esunnan cu ta trata cu e turistanan. Nan ta esunnan cu ta gana e confianza di e turistanan. Nan ta esunnan cu ta move cu e turistanan riba nos careteranan y na fin di dia ta responsabel pa un bon servicio, pero tambe pa e siguridad di e turistanan.

Tin cu duna nan atencion y tin cu scucha bon y analisa nan recomendacionnan y na fin di dia haci ahustenan cu ta beneficia Aruba den su economia. Sigur na tur momento tur esnan cu ta duna servicio na e sector turistico cu nos tin.

E minister por bisa cu den tur, e tabata un anochi hopi fructifero, un anochi sumamente positivo. Discusionnan tabata tey cu contenido, pero na tur momento tabata un reunion hopi amicabel, hopi sincero tambe y ta masha contento pa e reunion aki. E minister ta kere sigur sigur lo mester haci esaki mucho mas frecuente. A sinta cu algun persona di autobus tambe den pasado. Tin cu bay sinta cu mas. A sinta cu taxista y tin cu sinta cu mas. A sinta cu e tourbusnan aki. Un grupo grandi a bin, pero tin otronan cu tin cu sinta cu nan. Ta papiando regularmente cu e director di Arubus tambe cu tambe ta parti di transporte publico.

Un cos cu tin cu tuma luga sigur ta un estudio total riba e logistica di transporte publico na Aruba. E capacidad tambe cu transporte publico tin, tanto pa esun local, personanan cu ta biba na Aruba, pero tambe nos bishitantenan.

Ta conta pa esnan cu ta bin cu avion pa keda algun dia, pero tambe pa esnan cu ta bin cu crucero, cu tin cu bay haci un analisis total den esaki y tin expertonan local, pero lo haci uzo tambe di expertonan por ehempel for di Hulanda. Tur hende sa cu Hulanda ta un di e lidernan mundial ora cu ta papia di transporte publico. Si tin e capacidadnan aki den reino, e ora tin cu haci uzo di dje tambe. Di akinan e minister ta gradici tur esnan cu tin e vergunningnan di T y O pa a acudi y pa tin e dialogo aki, cu na fin di dia por saca fruta for di esaki, segun minister Mike de Meza.

 

- Advertisement -

DUNA COMENTARIO

Please enter your comment!
Please enter your name here