Home General Ministro a bay bira con algun preso mes ta yudando cu trabao...

Ministro a bay bira con algun preso mes ta yudando cu trabao di renobacion den Prison di KIA

95
1
SHARE
- Advertisement -

ORANJESTAD (AAN): Durante e bishita recien di Minister di Husticia Arthur Dowers na e Instituto Correccional (KIA), a pasa na e  seccion di e instuto caminda e detenidonan ta wardando riba nan castigo, conoci como “Huis van Bewaring”.

A conclui e renobacion di e huis van bewaring, faltando algun detaye ainda den e area di recreo caminda cu e personal di e instituto lo por guia e detenidonan hopi mas organiza nan momento di ricibi diferente entrenamento.  Esaki lo bay pone cu e Instituto ta cumpli aun mas ainda cu e exigencianan di e commision contra tortura y maltrato di detenidonan (CPT), cu un di nan exigencianan ta cu un detenido mester tin tanto recreo como educacion y formacion durante e periodo cu nan ta encarcela den e instituto aki.

E seccion di straf, cu algun tempo atras sufri daño di candela, cu ta den e  proceso  di renovacion  ta bayendo den bon direccion.  Na momento cu e renovacion aki keda completa den algun siman, lo por haci uso di 16 cel adicional den e seccion aki.

Tambe e titular di husticia a tuma nota cu algun preso, bao guia di e contratista ta haciendo e trabaonan di renovacion den e instituto aki.

Minster  Dowers ta di opionion cu esaki ta un Adelanto hopi grandi na momento cu e hobennan encarcela ta siña un ofishi,  lo por bandona e institucion aki cu e conocemente adkeri y por bay eherce  e ofishi aki den sociedad.

- Advertisement -

1 COMMENT

  1. Na Hulanda, prezonan tur mester traha, y nan tin un salario poco euros so. Nan ta traha pa nan come. Ki dia ta sinja na Aruba.

DUNA COMENTARIO

Please enter your comment!
Please enter your name here