Home Politica Mocion di desconfianza contra Ministro Paul Croes a wordo rechaza

Mocion di desconfianza contra Ministro Paul Croes a wordo rechaza

339
0
SHARE
- Advertisement -

ORANJESTAD (AAN): E mocion di desconfianza contra Ministro Paul Croes, presenta Diamars den Reunion di Parlamento na Aruba, a wordo rechaza.   Oposicion a vota pro e mocion aki, pero fraccion di AVP tur a vota contra.  Pues el a wordo rechaza.

Esaki a socede den oranan di anochi.

Henter dia, e reunion tabata uno hopi tumultoso, unda acusacionnan serio a skeiro di panort bay pazuid y vice-versa.  No obstante cu algun discurso tabata yen di gritamento, tog tabatin algun Parlamentario cu a duna discursonan hopi ehemplar y sigur hopi ‘zakelijk’ na e topico.

Den social media, por a nota cu pueblo a keda nada impresiona cu e sistema aki di hiba reunion.  Kizas antes cu no tabatin TV den Parlamento, esaki tabata pasa sin ningun anotacion extra.  Pero awor cu tur hende por mira e reunionnan, nan ta mira y huzga e forma di presenta di cada Parlamentario.  DIARIO a keda asombra pa mira cuanto hoben tabata mustra publicamente nan decepcion riba social media.

E otro mocionnan di dia, esta esun presenta pa MEP pa aboli sistema di Klem auto y tambe Aruparking, tambe a wordo rechaza.  Esey a socede, no obstante cu Premier Eman den tribuna mes a priminti comerciantenan cu lo bay elimina klem.

E otro mocion, presenta pa AVP unda ta pidi pa haci un investigacion di e motibo real di caida di venta den Caya Grandi, prome cu deshaci di Aruparking y Klem, a wordo acepta.

Oposicion a mustra cu e investigacion aki ta innecesario, pasobra no mester di rocket-science pa compronde e motibo principal pakico Caya Grandi ta muriendo.

 

- Advertisement -

DUNA COMENTARIO

Please enter your comment!
Please enter your name here