Motociclista sin documentonan a cay den mata di hubada

ORANJESTAD  (AAN): Diadomingo pa mas o menos 8:30 pm a bati alarma pa un accidente na altura di Sabana Basora # 158-N. Polisnan Maritimo patruyando rond a yega na e sitio y a constata cu un motociclista a perde control y slip cay cu un brommer blanco marca Sigma.

E brommer no tabatin number y e motociclista no por a mustra ningun papel, ni rijbewijs ni seguro. E homber tabata keha di dolor, probablemente pasobra el a bay cay den matanan di hubada y wanglo.

Ambulance a presenta na e sitio y a brinda asistencia na e sitio mes. Polis a bay cu e brommer den beslag.