Home Hudicial Muher gara cu 1 kilo di cocaina pega na curpa a haya...

Muher gara cu 1 kilo di cocaina pega na curpa a haya un chens di huez

228
0
SHARE
- Advertisement -

ORANJESTAD  (AAN) – Diahuebs mainta e muher N.M. acusa cu riba 24 December 2016, el a exporta cocaine, no a presenta den Corte. Pero asina mes Fiscal a trata e caso. E abogado di e sospechoso a presenta den Corte y a bisa Hues cu e no por a localisa e sospechoso. El a splica cu tempo cu N.M. tabata sera den KIA, N.M. mes a yam’e. Entretanto N.M. a sali y awor cu abogado ta busca contacto cun’e no por hay’e. Abogado a bisa Hues cu el a keda sorprendi cu N.M. no a presenta.

TRANSPORTE DROGA

Fiscal a bisa Hues cu e ta trata e caso toch. El a bisa cu dia 24 December 2016, autoridad na aeropuerto, Douane, a detene N.M. ora nan a descubri 1008 gram di cocaina, pega na su pianan. Su intension tabata pa viaha pa exterior.

EXIGENCIA FISCAL

Fiscal a mustra Hues cu a test e droga y laboratorio a confirma cu ta cocaina. Fiscal ta considera N.M. culpable di exporta cocaina. Fiscal a lamenta cu e sospechoso no a presenta.

Castigo exigi: Fiscal a splica cu N.N. tabata 76 dia cera y despues a wordo laga liber. Ta asina cu N.M. no kier a declara nada na Polis. Fiscal a bisa cu door cu N.M. no a presenta, no por haya mas informacion di su situacion.

Fiscal ta teme cu N.M. ta riba e caminda robez. El a bisa cu e ta sigui maneho di Ministerio Publico y pa e cantidad di droga, el a exigi 12 luna di prison, kitando tempo cu N.M. tabata sera.

DEFENSA ABOGADO

Abogado a mustra cu N.M. tabata den un situacion cu e no tabata sa kico mas pa haci. Su yiunan tabata keda cerca su ex. El a dicidi di transporta droga pa asina haya su yiunan. Abogado a bisa Hues cu esaki no ta bon pa papia. Abogado a pidi pa duna un castigo combina y bou guia di Reclassering.

SENTENCIA

Hues a cera tratamento di e caso y dicta sentencia di biaha. El a bisa cu a detene N.M. na aeropuerto cu intension di hiba droga pa exterior. Hues ta lamenta cu N.M. no a presenta pero ta haya cu mester duna N.M. un chens, mirando cu ta promer biaha cu e ta cay cera y tambe teniendo cuenta cu su circumstancia personal cu Reclassering a presenta den un raport. El a condena N.M. na 12 luna di prison, di cual 6 luna ta condicional cu un tempo di prueba di 2 aña y bou guia di Reclassering.

Esaki ta nifica cu N.M. mester bolbe bay cera pa algo mas di 3 luna.

 

- Advertisement -

DUNA COMENTARIO

Please enter your comment!
Please enter your name here