Home Hudicial Nuebe aña di prison pa homber cu a maltrata su amiga cu...

Nuebe aña di prison pa homber cu a maltrata su amiga cu consecuencia mortal

263
0
SHARE
- Advertisement -

ORANJESTAD (AAN): Sentencia a cay pa e homber J.B.R., kende Hues ta haya culpable di a maltrata e dama D. cu consecuencia cu el a fayece. Hues no ta haya proba cu J.B.R. a mata D. Fiscal a exigi 12 aña di prison y Hues a baha e castigo aki.

ACUSACIONNAN:

Dia 5 di Mei 2017 e tratamento a tuma lugar caminda Fiscal a presenta dos acusacion contra J.B.R. E promer acusacion ta cu riba 23 di Januari 2016, el a mata su amiga D. den camber unda nan tabata drumi.

E di dos acusacion ta cu na December 2015, J.B.R. a maltrata D.

FISCAL A EXIGI 12 AÑA DI PRISON:

Na opinion di Fiscal, si scucha e preso L. cu a papia cu J.B.R., e ta cuadra hopi cu tur e slanan cu e victima tabatin. E victima tabata morto caba ora cu personal di Ambulance a yega. Fiscal ta haya cu ta J.B.R. a maltrata e dama.

No kere storia: El a mustra cu J.B.R. ta bisa cu e victima tabata burachi y a cay dal su cabez contra e cashi y fayece. E storia ey Fiscal no ta kere. Segun Fiscal, e heridanan patras di cabez di e victima no por a sosode door di dal cabez contra e cashi. No ta otro cu tur e slanan ta causa door di J.B.R. E camber tabata full na cloro y mester a saca e victima afor pa atende door di holor fuerte di cloro.

Mata y no asesina: Fiscal ta kere cu J.B.R. a usa cloro pa kita tur prueba. E ta kere cu J.B.R. a mata e dama y no a asesin’e. Door cu e dama a yega cas laat, J.B.R. a perde cabez y a mat’e.

Fiscal a mustra cu na 2009 a condena J.B.R. pa atraco arma cu violencia. El a mustra cu na December 2015, J.B.R. a maltrata e dama D. y na Januari 2016 a mata e dama.

Psychiater ta bisa cu J.B.R. ta responsabel di su actonan. Fiscal a bisa Hues cu no tin motibo pa duna menos castigo. El a exigi 12 aña di prison. Ademas el a pidi pa confirma demanda di daño di mas 6 mil Florin di parti di e famia, cu ta e placa cu a paga pa entiero di e dama D. Fiscal a bisa cu lo aplica medida di pago y si J.B.R. no paga, e lo bay 65 dia sera.

SENTENCIA

Hues a bisa den su sentencia cu e no ta haya J.B.R. culpable di a mata y ta declar’e liber pa e acusacion ey. Hues a sigui bisa cu e ta haya J.B.R. culpable di a maltrata e dama D. di tal forma cu e dama a fayece.

Hues a mustra cu dia 10 di December 2015, J.B.R. a maltrata su amiga D. serio. J.B.R. a pusha e dama D. benta abou y skop e diferente biaha na su pecho y ripchi.

Algun dia despues, 23 Januari 2016, J.B.R. ta bolbe maltrata e amiga D. Na opinion di Hues, J.B.R. a dal e victima D. cu mokete di tal manera cu e victima a fayece.

Hues ta haya cu door di J.B.R. su comportacion cobarde, a viola e orden publico. A causa sentido di inseguridad den comunidad.

Hues a tuma J.B.R. hopi na malo cu el a scoge pa maltrato innecesario door di cual e victima a sufri hopi dolor y hasta a muri door di e maltrato aki.

Hues a bisa cu e ta tene na cuenta cu pa e acusado J.B.R., tabata un costumber pa maltrata su amiga y esaki tabata forma parti di su comportacion.

CASTIGO

Hues a conclui cu e no ta haya proba cu e acusado J.B.R. a mata e victima D. y ta declar’e liber pa esaki. Sinembargo, Hues ta haya J.B.R. culpable di a mlatrata e victima D., cu consecuencia cu D. a fayece.

Hues a condena J.B.R. na 9 aña di prison, kitando e tempo cu e ta sera den KIA.

Tambe Hues a ordena J.B.R. pa paga e mas cu 6500 Florin di daño na banda di famia di e victima. Ademas Hues a tuma e medida cu si J.B.R. no paga, e lo mester bay 65 dia extra sera.

 

- Advertisement -

DUNA COMENTARIO

Please enter your comment!
Please enter your name here