Home Enseñanza Obispado a renoba SKOA y esey ta señal positivo pa educacion Catolico

Obispado a renoba SKOA y esey ta señal positivo pa educacion Catolico

35
0
SHARE
- Advertisement -

ORANJESTAD(AAN): Obispado tin un rol den e asuntonan di Colegio Arubano. Nos a papia cu Obispo Monseigneur Luis Secco, kende a splica cu tabata tin diferente encuentro na Aruba.

Tabata tin tambe un bunita ocasion, caminda cu SKOA a organiza hunto cu e Instituto Catecismo y Diocesano hunto cu Pader Jairo Maduro, un encuentro InterAmericano di educacion Catolico, cual a bay hopi bon. Tabata durante di e temporada di Februari y a reuni un grupo di casi 30 docente of representante di tur pais di America Latina y Caribe, cu ta responsabel di e schoolnan catolico den nos continente.

Papiando specificamente di Aruba, di nos schoolnan Catolico, a renoba e directiva di SKOA y esey tambe ta un señal positivo di renobacion di busca personanan cu por haci un trabao manera animacion di nos educacion catolico, di nos schoolnan catolico na Aruba y tambe a tuma contacto ultimo tempo cu e directiva di Colegio Arubano. Tin cu bisa cu SKOA ta un institucion catolico cu a ricibi for di Frater y Soeur y padernan.

Un herencia bunita di tanto religioso cu a traha pa schoolnan catolico durante hopi tempo. Awo tin e institucion aki di school catolico den man di un grupo di laico. Pero tambe cu e caracteristica cu e instancia of e fundeshi catolico. Ta pesey a insisti pa por scoge of screen personanan cu ta mustra tambe balornan di fe. Claro awendia bo por bisa cu no tur maestro cu tin ta catolico den nos schoolnan basico y avansa. Pero nan mester acepta e protocol y tambe loke ta e normanan di un school catolico. Pesey nan a acepta di bin yuda e schoolnan catolico.

Hopi di nan ta duna un ehempel, hasta mas miho cu nos como catolico tin biaha, unda cu nan ta formal y responsabel. Unico cos cu tin ta, cu mester mehora nos comunicacion. E tarea di comparti preocupacionnan, e bon contacto cu mayornan, loke ta yama tambe un comunidad dinamico cu ta reuni docente, mayor, alumnonan y pastoor di parokia pa aina forma e triangulo of hasta e cuater parti di loke ta un bon animacion di un school, sea school catolico, tambe un school publico.

 

 

- Advertisement -

DUNA COMENTARIO

Please enter your comment!
Please enter your name here