Home General “Oil Spill” a yega costa oost di Aruba

“Oil Spill” a yega costa oost di Aruba

1834
0
SHARE
- Advertisement -

ORANJESTAD    (AAN):   Manera DIARIO a publica caba diabierna atardi, un alerta a wordo emiti for organizacionnan ambientalista cu cual DIARIO tin contacto directo relaciona cu e derame di petroleo (Oil Spill) cu a origina na Trinidad & Tobago y cu ta afectando seriamente e costa di Bonaire, Corsow y awo tambe Aruba.

Mientras cu na e costa di Venezuela, e ciudadanonan no a warda te ora gobierno of otro instancianan dicidi di haci algo pa contraresta e efecto dañino di e derame di azeta aki, a mobiliza e poblacion di diferente localidanan pa cuminza haci un limpieza di e areanan afecta.

Segun datonan di e ambientalista venezolano Rafael Gianni, informacion cu a drenta for di Trinidad & Tobago ta mustra cu tabata tin un di dos derame di petroleo, cu no a wordo reporta door di Petrotrin.

E prome derame a sosode dia 23 di April ultimo. Y na e momento aki por bisa cu e cantidad di derame di petroleo ta core den cientos di baril,  y no solamente 300 manera a Petrotrin y e gobierno di Trinidad & Tobago a raporta oficialmente.

E fuentenan ayega na DIARIO tambe ta señala cu akinan ta trata di un azeta hopi toxico y peligroso, posiblemente un sorto di combustible residual di e standarnan internacional.

_Nos lector Zowi Figaroa a bay landa na “Sharkbay” y eynan el a bin ripara cu tin manchanan di azeta preto full rond di “Sharkbay” y Andicuri.

 

Nan ta mustra tambe e preocupacion pasobra e gobierno di Trinidad & Tobago y Petrotrin sa perfectamente, cual ta e substancia cu e tanki 70 den refineria tin den dje, pero desafortunadamente cu ainda varios dia despues di e incidente, no tabata tin informacion al respecto for di Petrotrin.

Mas anochi, nos a haya e dato aki indicando cu nos ta papiando akinan di e combustibel likido ” RMG 380 centistokes”.

Aki na Aruba, den fin di siman, no a tende ningun declaracion di parti di e instancianan concerni ni di parti di gobierno relaciona cu un plan di accion. No tabata te den oranan di anochi cu Gobierno a yama un conferencia di prensa urgente.

Mientrastanto, diadomingo atardi, ya caba a cuminza riba social media imagennan di e ‘oil spill’ cu ta impactando tambe nos costa.

Den e caso aki ta potretnan di nos lector Zowi Figaroa kende a bay landa na “Sharkbay”  y eynan el a bin ripara cu tin manchanan di azeta preto full rond di “Sharkbay” y Andicuri.

Tambe por a mira potretnan saca na Dos Playa y otro areanan den e costa oost di nos isla.

_Evidencia riba beach na “Sharkbay” di e oill spill afectando nos costa.

Tin hopi preocupacion pa loke ta nos beachnan, esaki ta inclui nos flora y fauna, esta nos bestianan di lama y nos naturaleza. Na Corsow, e oil spill tabata afectando e neishinan di turtuga na e costa di Klein Curacao. Na Bonaire, Stinapa ta hopi involucra den e situacion.

Diadomingo anochi representantenan di Gobierno a reuni cu entre otro Kustwacht, Rampenbureau, ATA, Brandweer, entre otro pa duna comunidad informacion riba e situacion aki y kico lo ta e plan di accion di awo pa dilanti.

- Advertisement -

DUNA COMENTARIO

Please enter your comment!
Please enter your name here