Home Politica Otmar Oduber a mustra sentimento di duele pa e perdida di sr....

Otmar Oduber a mustra sentimento di duele pa e perdida di sr. Carlyle de Coteau

140
0
SHARE
- Advertisement -

ORANJESTAD (AAN) – Diamars mainta a tuma lugar e conferencia di prensa di Partido POR, e Plataforma Forza Nobo, y su lider sr. Otmar Oduber a hiba palabra na prome lugar.

Cu evidente sentimento di duele, Otmar Oduber a para un rato keto y a expresa palabranan, den nomber di POR y di su famia, pa reconoce un persona cu Dialuna a fayece na Colombia, cu ta señor Carlyle de Coteau, ken tabata ocupa e funcion di Director di Directie Scheepvaart.

El a defini sr. de Coteau no solamente como un persona hopi profesional den su trabao, pero como un persona cu generalmente tabata tin un smile na su cara.

“Un persona cu a asisti mi den mi carera politico hopi di cerca, un persona cu tabata un di mi conseheronan principal durante e periodo cu mi tabata tin e honor di a fungi como Minister di e Gobierno cu ta sinta na e momentonan aki ainda. Mas cu tur un amigo di mi persona y un amigo di cas”, Oduber a expresa.

El a comenta cu sr. de Coteau a bay na un manera hopi repentino despues cu el a bay cu hopi urgencia na Colombia unda cu Dialuna ultimo el a wordo someti na un operacion hopi pisa, y Diadomingo atardi su señora a notifike tocante e perdida di sr. de Coteau.

El a expresa palabranan di Consuelo pa e casa, rumannan, famia en general y amistadnan hopi forza y e lo keda corda sr. de Coteau pa e trabaonan enorme cu el a haci pa e pais aki, y tambe pa su personalidad como ser humano.

 

 

- Advertisement -

DUNA COMENTARIO

Please enter your comment!
Please enter your name here