Otmar Oduber entusiasma cu noticia cu Gateway 2030 ta drenta otro fase di ehecucion

    175
    0
    SHARE
    - Advertisement -

    Despues cu aña pasa a inicia cu esaki

    ORANJESTAD (AAN): Aeropuerto lo bay conoce trabaonan di renobacion y expansion despues cu na September 2016 a lansa “gateway 2030”, cu ta un inversion di rond 200 miyon Dollar cu lo mester tuma luga den e proximo añanan nos dilanti na aeropuerto. Otmar Oduber ex Minister di turismo cu tabata cu a guia e proceso aki, ta contento di mira cu Netherlands Airport Consultants

    (NACO) lo ehecuta e plannan di expansion.

    Un di e aspectonan cu ta haci e proyecto aki asina importante ta door esaki lo mehora e calidad di servicio cu lo brinda na e pasaheronan. Esaki ta e prome crecemento cu aeropuerto ta conoce despues di casi 20 aña mientras cu e fluho di cantidad di pasahero a aumenta drasticcamente ultimo añanan.

    Segun sr. Oduber, na luna di november 2015 a acerca e compania pa supervisa e proceso riba expansion y renobacion di nos aeropuerto. JFK, Schiphol, Raad van Commissaris di aeropuerto y management di aeropuerto tabata envolvi. Ta contento pa mira e resultado y ta manda palabranan di pabien na henter Industria di Turismo di Aruba. Turismo ta locual cu nos ta biba di dje, turismo ta nos “bread and butter” y rapportnan internacional ta indica cu esey tabata salbacion pa Aruba su economia durante e ultimo 7 añanan, sr. Oduber a finalisa.

     

    - Advertisement -

    DUNA COMENTARIO

    Please enter your comment!
    Please enter your name here