Home Enseñanza Otro siman tin charla Arqueologia sub-aquatico y lanzamento di ‘Museum goes tech’

Otro siman tin charla Arqueologia sub-aquatico y lanzamento di ‘Museum goes tech’

9
0
SHARE
- Advertisement -

Na Biblioteca

ORANJESTAD (AAN): Museo Arqueologico Aruba y Biblioteca Nacional Aruba ta invita publico pa un anochi sumamente interesante riba Diamars dia 23 di Mei pa 7’or na Biblioteca Nacional. E anochi aki Melissa Price, e Senior underwater archaeologist di e ‘Florida Bureau of Archaeological Research’, lo duna un presentacion na Biblioteca Nacional tocante su experticio den ‘Underwater Archaeology’ den cual e lo amplia di e situacion na Florida y link esaki na e situacion na Aruba.

Alabes lo lanza e anochi aki e proyecto “Museum goes Tech”, un colaboracion entre Fundacion 1403, Brenchie’sLab y Museo Arqueologico, cu un pop-up ‘traveling’ expo y presentacion/splicacion cortico.

Melissa Price, kende ta un experto den Arkeologia sub-acuatico, lo ta na Aruba pa un periodo cortico den cual e lo intercambia informacion cu expertonan di Aruba riba e topico di arkeologia sub-aquatico y alabes lo duna un presentacion publico  sumamente interesante. E presentacion aki ta trata arkeologia sub-acuatico den practica y pakico e ta asina importante,

ideanan eroneo tocante e profesion aki y proteccion pa sitionan arkeologico sumergi. Ehempelnan specifico di Florida lo ilustra con sitionan a ser exploita akinan den pasado y con esaki a conduci na proteccion di e sitionan. Alabes lo enfoca riba con e sitionan arkeologico bou awa por sirbi como experiencia educacional pa e comunidad local, como paraiso pa bida marino y como atraccion pa turista.

En conexion cu Dia Internacional di Museo, cual ta ser celebra mundialmente door di Museonan rond di e fecha di 18 di Mei, lo ‘launch’ tambe e proyecto “Museum goes Tech” cu un prome parti di un ‘traveling’ pop-up expo.  Fundacion 1403, den un esfuerzo pa promove tecnologianan moderno di investigacion y presentacion den institucionnan Arubano, a colabora cu Museo Arqueologico Aruba, Brenchie’s Lab, UNOCA y Nexus 1492 pa desaroya e proyecto aki den cual a haci uso di aplicacion tecnologico di sondeo, digitalisacion y imprenta 3D. E anochi aki lo haci uso di e tecnologianan nobo aki pa presenta  nos hererencia arkeologico. Alabes Sr. Tony lo duna un presentacion/ splicacion cortico tocante di e tecnologia usa.

Museo Arqueologico Aruba ta manda felicitacion pa tur Museo y nan personal , tur boluntario y tur persona y instancia cu ta traha den mundo di Museo riba Dia Internacional di Museo!

 

- Advertisement -

DUNA COMENTARIO

Please enter your comment!
Please enter your name here