Home Politica Pa hobennan profesional Partido MAS kier diversifica comercio

Pa hobennan profesional Partido MAS kier diversifica comercio

59
0
SHARE
- Advertisement -

ORANJESTAD (AAN): Durante rueda di prensa di partido MAS, candidato Leonardo Maduro a trece dilanti su pensamento y punto di bista referente nos hobennan professional. Banda di esaki sr. Maduro cu tambe ta un hoben professional a haci e pregunta na pueblo di Aruba; kico Gobierno a logra pa hobennan professional den e ultimo añanan.

Segun sr. Leonardo, Gobierno no a haci muchu y alcontrario nos tin un economia cu cada dia ta empeora cual ta pone cu oportunidadnan di nos hobennan professional pa progresa tambe ta worde afecta y limita.

Sr. Leonardo a pone enfasis riba diferente obstaculo cu e hobennan ta keda confronta cune riba un base diario, e.o. falta di empleo, economia malo, no tin oportunidadnan igual pa hobennan professional y tur hoben en general cual cu den su opinion ta e causa primoridial cu ta hopi di nos hobennan cu ta bay studia den exterior no ta bolbe .

Segun Sr. Maduro tin alrededor di 300 studiante cu ta bay studia afo tur aña di cual un minoria ta bolbe back nos isla pa sirbi nos pais.

E preocupacion di tanto partido MAS como sr. Maduro ta cu cada 4 aña politiconan ta haci politikeria cu e mesun tema aki. Sr. Maduro ta menciona encuanto e 30 % di descuento cu Gobierno ta papia di dje, y ta trece dilanti cu pa hopi aña caba tin e percentage aki na vigor y ta cuestiona cuanto studiante por a paga esey di un solo pago???

Sr. Leonardo ta considera esaki simplemente ridiculo y ta clarifica cu den su pensamento e problema no ta Arubalening , e problema real ta e studielening di hulanda cu ta hopi mas halto y cu no ta hacie atractivo pa bin Aruba gana Florin y page den euro.

Banda di esaki na Aruba professionalnan no ta worde paga un suma suficiente pa nan por paga back nan dos studieleningnan aki y pa finalsa

Sr. Maduro ta considera e razon mas grandi cu professionalnan no ta bobe back nos pais ta cu simplemente no tin trabaow pa nos hobennan professional.  Partido MAS ta kere firmemente cu mester diversifica nos comercio y  incentiva desaroyo economico prome pa asina por atrae nos hobennan den futuro. Esaki ta parti di e vision di Partido MAS pa cual sr, Maduro ta haci un invitacion na tur hoben pa dia 22 di Septmber demostra Aruba cu bo tambe kier worde scucha!

 

- Advertisement -

DUNA COMENTARIO

Please enter your comment!
Please enter your name here