Home Politica Pacientnan psiquiatro ambulante ta wordo tuma pa adicto

Pacientnan psiquiatro ambulante ta wordo tuma pa adicto

10
0
SHARE
- Advertisement -

POR dispuesto pa trece solucion:

ORANJESTAD (AAN) – No di awor, pero di añanan caba, tin un situacion na Aruba, unda cu diferente persona cu problema psiquiatrico ta na caya, sin ningun tipo di atencion, y nan ta wordo mira como adictonan ambulante, yama den boca di pueblo “choler), sin cu esaki ta e caso.

Matutino DIARIO por corda tempo cu e actual minister di husticia drs.mr. Arthur Dowers tabata director di PAAZ, el a yega di mustra su preocupacion tocante e pacientnan psiquiatrico aki, y a yega di splica cu nan no por wordo obliga drenta PAAZ tampoco.

Durante e conferencia di prensa di POR, e Plataforma Forza Nobo un pregunta al respecto a bay den direccion di Parlamentario mr. Andin Bikker.

E parlamentario a señala cu POR sin duda lo pone atencion na e problema aki.

Parlamentario mr. Bikker a expresa:  “Combatimento di criminalidad semper tin dimensionnan mas amplio manera social, educacion, etc. Pero pa loke ta e tema di adictonan ambulante, e hecho ta cu e problematica aki tin diferente indole.

“ Tin personanan cu ta adicto na cierto substancia y pesey nan ta hiba un bida ambulante, y tin otronan cu simplemente pa falta di cuido y atencion psiquiatrico ta cana riba caya y tin hende ta asumi cu nan ta drogadicto”.

E Parlamentario a señala cu nos ta pone tur den e mesun grupo, pero cada caso ta para riba su mes, y POR lo pone, sigur, atencion na e problema aki.

“Pesey si POR busca cooperacion cu otro paisnan unda cu por mira cu problemanan cu nos a enfrenta nan a soluciona, busca kico ta e know-how cu nan tin. Den pasado un delegacion di Parlamento a bay na nos Isla ruman Curacao, unda hecho ta cu no di awor, pero for di varios aña pasa nan a haci cambionan cu ta ancra den ley y aki na Aruba nos tine den ley tambe pero e ehecucion a laga di desea”, mr. Bikker a subraya.

Entre tanto, na Curacao, nan a transforma henter e area di Otrobanda. Awor e ta un area habitable y ora bo cana eynan bo no ta sinti e presencia di adictonan ambulante.

“Pesey, dia 22 di September pueblo mester duna partido POR su confianza, pasobra e gobierno na mando a caracteriza su mes pa ta hopi scuma poco chuculati. Nan a priminti hopi cos tambe pa e asunto di adictonan ambulante, pero te aworaki no tin nada”.

Parlamentario Bikker por a scucha cu sr. Visser kier bin bolbe drenta den politica. “Ami ta consehe pa e no bin pasobra nos a experiencie cuater aña den Parlamento, y e ta papia hopi pero no ta bisa nada, y den salubridad basicamente a mi no a wak nada nobo aparte cu a bin un PPP pa traha un hospital nobo, pero na final di dia edificio no ta cura pacient”, mr. Andin Bikker a reitera.

 

 

 

- Advertisement -

DUNA COMENTARIO

Please enter your comment!
Please enter your name here