Home Politica Parlamentario Andin Bikker a duna bon bini na Kenny Montero

Parlamentario Andin Bikker a duna bon bini na Kenny Montero

50
0
SHARE
- Advertisement -

ORANJESTAD (AAN) – Parlamentario mr. Andin Bikker, miembro di Partido Pueblo Orguyoso y Respeta, POR e Plataforma Forza Nobo, a expresa den conferencia di prensa, palabranan di bon bini pa e candidato nobo señor Kenny Montero.

“Un persona no ta un pais y un pais no ta un persona” ta palabranan di m r. Bikker, indicando cu por a wak den e palabranan di Montero cu el señala, caminda su curazon ta, cu e tin hopi pasion pa dedica na diferente tema di preocupacion manera, por ehemplo e animalnan cu ta riba caya, nos grandinan, nos hubentud y adictonan ambulante.

Esaki ta temanan cu sigur, ora POR cana den pueblo por mira cu pueblo ta pidi atencion pa nan.

E parlamentario a bisa cu pa loke ta e tema di inseguridad riba nos pais, sin duda Kenny Montero ta bin reforza e team di POR pa restaura e seguridad cu nos pueblo tanto ta anhela. Pa ocho añanan nos ta ripara cu e seguridad di nos pueblo ta completamente ausente, y esnan cu ta na encargo aworaki tin tur atencion riba otro cosnan, pero no ta duna suficiente atencion na seguridad. “Pesey mi kier yama bon bini na sr. Kenny Montero cu tur su dedicacion y su pasion pa e temanan cu e tin den su curazon pa bin reforza e team aki, nos Partido POR e Plataforma Forza Nobo”.

Parlamentario mr. Bikker a remarca cu POR lo dedica atencion na cada aspect cu Montero a menciona, y mas cu tur pa restaura e seguridad pa nos digno pueblo.

 

- Advertisement -

DUNA COMENTARIO

Please enter your comment!
Please enter your name here