Home General Parlamentario Chris Dammers mustrando con Fitch Ratings a felicita Gobierno cu rapport...

Parlamentario Chris Dammers mustrando con Fitch Ratings a felicita Gobierno cu rapport di IMF

20
0
SHARE
- Advertisement -

ORANJESTAD (AAN): Hibando un maneho estricto pa loke ta finansa publico, Gobierno ta sigui haya reconocimento y sosten pa esaki,  di instancianan local y internacional.

“Nos por a tuma nota cu luna pasa IMF ya caba a duna su rapport inicial sumamente positivo, mustrando cu e maneho cu Gobierno ta hibando ta e caminda corecto y dunando reconocimento pa e trabao desplega pa Gobierno pa logra drecha finansa publico.

Cu tin cierto areanan di costumber cu lo tin preocupacion riba dje, pero ta puntonan cu Gobierno ta sigui traha duro pa haya solucion pa esakinan y esaki sin duda lo sigui ta e maneho pa añanan cu ta bon.

Despues di e bishita di e delegacion di IMF, cu durante di e reunionnan a felicita gobierno pa su perseverancia pa  logra un presupuesto balansa dentro di poco,  nos ta haya cu CAFT tambe a duna reconocimento na e maneho aki y a confirma cu Gobierno ta cumpliendo cu  palabracionnan haci cu Hulanda pa logra baha e deficit riba caminda pa un presupuesto balansa.

CAFT cu inicialmente a worde brasa y sosteni pa miembronan di fraccion di MEP, awendia a bira topico di insulto di mesun politiconan di oposicion aki, ya cu oposicion no ta hayando noticianan negativo riba e maneho financiero di Gobierno pa haci politica cu esaki.

Siman pasa Minister di Finansa, sr Angel Bermudez a confirma cu durante di bishita di Fitch Ratings, tambe a bin noticianan positivo aki y hasta e institucion aki a felicita Gobierno cu e resultado di e rapport di IMF.

E analisis di Fitch Ratings tambe a haya un resultado positivo y Aruba a mantene su rating positivo di BBB Plus cu ta otro indicacion di e seriedad y  efectividad cu gobierno ta hibando su maneho financiero.

Ta noticianan sumamente positivo pero caminda un biaha mas por ripara cu partidonan di oposicion no ta ni menciona e puntonan positivo aki, ya cu ta solamente cosnan negativo nan ta anhela pa nan isla, pa nan pueblo.

Fitch Ratings tambe a señala cu Aruba ta destaca entre  paisnan den Caribe, mencionando e maneho di turismo efectivo cu a bin ta hibando, acompaña pa desaroyo di e isla hisando e nivel di e producto turistico na tur momento.

Loke tambe ta sumamente positivo ta e hecho cu Parlamento a trata y aproba diferente cuenta anual relaciona cu ehecucion di presupuesto di e añanan anterior y caminda a bolbe keda confirma cu e maneho financiero di Gobierno, a keda den e margen di e presupuesto di e pais manera aproba pa Parlamento,” Parlamentario Chris Dammers a señala.

 

- Advertisement -

DUNA COMENTARIO

Please enter your comment!
Please enter your name here