Home Deporte Partido entre SV Britannia y SV Nacional a keda empata 3-3

Partido entre SV Britannia y SV Nacional a keda empata 3-3

98
0
SHARE
- Advertisement -

ORANJESTAD (AAN): Diaranzon anochi den Stadion Guillermo Prospero Trinidad, a tuma lugar continuacion di Aruba su Playoffs di nos futbol local na unda cu e ekipo di SV Britannia a enfrenta e ekipo di SV Nacional. Un partido na unda cu e ekipo di SV Britannia no a perde tempo y a nota e prome goal den e prome mitar. Den e segundo mitar e ekipo di SV Nacional a sali brabo y practicamente a anota 2 goal tras di otro pa pon e score 2-1. Un rato despues SV Britannia no a perde tempo y a tabla e partido 2-2. Faltando algun minuut, SV Nacional a anota e tercer goal pa asinas segura e partido. Net ora cu SV Nacional a kere cu nan a segura e partido, SV Britannia a bin empata e partido den e ultimo seconde di wega. Un descuido enorme di e ekipo di Nacional, a pone cu nan no a gana e partido pa asina piki nan prome victoria. Awenochi den Stadion Guillermo Prospero Trinidad lo tin e partido di SV RCA cu lo topa cu SV Dakota. Fanaticonan ta keda cordialmente invita pa bin presencia e partido. Potret pa cortesia di Futbol Aruba.

- Advertisement -

DUNA COMENTARIO

Please enter your comment!
Please enter your name here