Home General Polis a dal Moustachef Bistro su portanan cera

Polis a dal Moustachef Bistro su portanan cera

9451
1
SHARE
— E porta di Moustachef Bistro ta cera.
- Advertisement -

ORANJESTAD (AAN): Durante siman, DIARIO a wordo informa door di un Taxista cu el a keda sorprendi cu e tan gusta restaurant Moustachef Bistro den Havenstraat a wordo cera.

El a puntra pa check si DIARIO sa, kico por a pasa cu e restaurant aki, unda cu hopi di nos hendenan local ta frecuenta.

A purba di drenta den contacto cu e operadornan di e Restaurant, pero no a logra.  Un fuente den autoridad, a suministra e detaye cu e popular Restaurant aki (cu tin varios luna caba den operacion), a wordo cera riba Dialuna cu a pasa door di Polis.

“Polis a cera e lugar aki Dialuna 15 di Mei pa falta di Restaurant- en Koffiehuis Vergunning necesario,” un fuente a revela na DIARIO.

Polis a haye obliga na cera esaki, aunke nan tabatin comprension pa e operador di e Restaurant, como cu e tabata bao di e Impresion cu nan a huur e establecimento cu un Restaurant- en Koffiehuis Vergunning inclui.  Parce cu Polis a mira cu e ‘huur di vergunning’ anterior di e restaurant tabata hinca den e contract.

Segun fuente, parce cu despues di paar di luna di operacion exitoso, a bin resulta cu e vergunning aki a worde ‘ingetrokken’ sin posibilidad di worde duna back.

Autoridad ta al tanto, cu e operador di Restaurant a purba di haya su mes vergunning pero esaki tabata envano ya cu e doñonan di edificio no por a facilita tur documento necesario pa haci esaki, pues a keda nada otro pa polis sera e establecimento.

DIARIO lo sigui purba di drenta den contacto cu e operador pa sa mas di nan banda y spera cu pronto e situacion worde remedia.

 

- Advertisement -

1 COMMENT

  1. Local initiative…finally… with a shutdown as a sad result. All these chinese restaurants and supermarkets have their permits in order?
    I really wonder?

DUNA COMENTARIO

Please enter your comment!
Please enter your name here